„საპროტესტო აქციები გაგრძელდება ზუსტად ისე, როგორც იყო. არაფერი დღეს არ გაგვიგია ისეთი, რაც შეანელებს საპროტესტო აქციებს“, - ამის შესახებ „ნაციონალური მოძრაობის“ ერთ-ერთმა ლიდერმა გრიგოლ ვაშაძემ ოპოზიციასა და მმართველ გუნდს შორის შეხვედრის შემდეგ ჟურნალისტებს განუცხადა.

გრიგოლ ვაშაძის თქმით, მმართველმა გუნდმა კატეგორიული უარი თქვა ოპოზიციის მიერ მომზადებული წინადადების განხილვაზე.

მანვე დასძინა, რომ საპროტესტო აქციები გაგრძელდება, რადგან არაფერი მოხდა დღეს ისეთი, რაც აქციებს შეანელებს.

„მმართველი გუნდი ამ შეხვედრაზე მოვიდა მხოლოდ იმიტომ, რომ განიცდიდა განუწყვეტლივ პრესს საქართველოს მოქალაქეებისგან, ოპოზიციისგან და ჩვენი სტრატეგიული პარტნიორებისგან. მეორე, აბსოლუტურად არაფრისთვის არ იყვნენ მზად და არავითარი წინადადება ან იდეა არ ჰქონდათ. კატეგორიული უარი თქვეს იმ წინადადების განხილვაზე, რომელიც გუშინ მოამზადა ოპოიციამ. მიუხედავად იმისა, რომ ეს შეხვედრა დასრულდა უშედეგოდ, თუ ამას სტრატეგიული პარტნიორები მოინდომებენ, ჩვენ მეორე რაუნდსაც დავესწრებით. არ მივცემთ, ე.წ „ქართულ ოცნებას“ იმის თქმის საშუალებას, რომ ოპოზიცია მზად არ არის საუბრისთვის.

საპროტესტო აქციები გაგრძელდება ზუსტად ისე, როგორც იყო. იმიტომ რომ არაფერი ჩვენ დღეს არ გაგვიგია ისეთი, რომელიც საპროტესტო აქციებს შეანელებს“, - განაცხადა გრიგოლ ვაშაძემ.

ავტორი: ექსპრესნიუსი,

სოციალური ქსელები

ტრამპმა თეთრი სახლის ახალი პრესმდივანი დანიშნა

ჟაპორეჟიაში რუსულა ავიაბომბამ რვა ადამიანის სიცოცხლე იმსხვერპლა აქედან 3 ბავშვია

აშშ უკრაინას დაზვერვის შეწყვეტით დაემუქრა, რუსეთის ნავთობგადამამუშავებელ ქარხნებზე თავდასხმების გამო - Axios

პროკურატურა - მსჯავრდებულ გიორგი დავითაძის მიმართ შესაძლო სექსუალური ძალადობის ფაქტზე მიმდინარე გამოძიება დასრულდა და დადგინდა, რომ მის მიმართ რაიმე სახის ძალადობას და დანაშაულებრივ ქმედებას ადგილი არ ჰქონია