2019-11-29 18:02:16, 1473 ნახვა
პოლიტიკა
გაეროს წარმომადგენელი: კარგია, რომ ხალხის პროტესტი კონსტრუქციული დიალოგის ფორმატში გადაინაცვლებს
მმართველ გუნდსა და ოპოზიციას შორის დაანონსებულ შეხვედრას, რომელიც ხვალ დიპლომატიური კორპუსის ინიციატივით გაიმართება დიპლომატები ეხმაურებიან.
გაეროს წარმომადგენელი ლუიზა ვინტონის თქმით, კარგია, რომ ხალხის პროტესტი კონსტრუქციული დიალოგის ფორმატში გადაინაცვლებს.
„ინფორმირებული ვარ შეხვედრის შესახებ. არ ვიცი დეტალები თუმცა ის, რომ შეხვედრა ოპოზიციასა და უმრავლესობას შორის შედგება, უკვე კარგი ნიშანია.
ქუჩაში იყო პროტესტი. თუმცა ახლა დიალოგის დროა, თავის დროზე ხელისუფლის მხრიდან გაიცა დაპირება, რომელიც არ შესრულდა. ვფიქრობ შეხვედრას შედეგი ექნება. კარგია, რომ ხალხის პროტესტი კონსტრუქციული დიალოგის ფორმატში გადაინაცვლებს“, - განაცხადა ლუიზა ვინტონმა.
ავტორი: ექსპრესნიუსი,
epn.ge (@expressnews.ge)
