კოფი სირიიდან გაყვანილი ამერიკელი ჯარისკაცების საქართველოში განლაგების ინიციატივაზე: ეს რუსეთის შეკავებასაც ეხება

2019-10-25 13:54:15, 2316 ნახვა

პოლიტიკა

Heritage Foundation-ის მკვლევარი, ანალიტიკოსი ლუკ კოფი სირიიდან გაყვანილი ამერიკელი ჯარისკაცების საქართველოში განლაგების საკითხზე კიდევ ერთ განცხადებას ავრცელებს.

ანალიტიკოსი ახალი განცხადებით იმ მოსაზრებას ეხმაურება, რომლის თანახმადაც მისმა ინიციატივამ საქართველოსა და თურქეთს შორის ურთიერთობა შესაძლოა, დაძაბოს. კოფი აცხადებს, რომ ამ მოსაზრების ავტორები საქართველო-თურქეთის ურთიერთობებს არ იცნობენ.

"რამდენადაც ვიცი, ეს საკითხი (ჯარების გადაყვანა ახალქალაქში) ამერიკის შეერთებული შტატების მთავრობის მიერ განხილული არ არის. ბევრი ამბობს, „როგორ მოგვარდება ლოჯისტიკის ამბავი“? ეს მხოლოდ 750 კილომეტრია. ვფიქრობ, ამერიკის სამხედრო ძალებს ამის დაძლევა შეუძლიათ. მათ, ვინც ამბობს, „როგორ იქნება საქმე თურქეთთან?“, არ ესმით თურქეთ-საქართველოს ურთიერთობა. დიახ, ეს რუსეთის შეკავებასაც ეხება", - წერს ანალიტიკოსი Twitter-ის საკუთარ გვერდზე.

ცნობისთვის, ლუკ კოფი სირიიდან გაყვანილი ამერიკელი სამხედროების ახალქალაქში განთავსების ინიციატივით გამოდის.

Few points:
-As far as I know this *isn’t* being considered by US Govt
-Many saying “what about logistics”? It’s 750km—I think US Military can overcome????
-Those saying “what about Turkey”? don’t understand the Turkish-Georgian relationship
-Yes this is also about deterring Russia
— Luke Coffey (@LukeDCoffey) October 25, 2019