პარლამენტის დამოუკიდებელ დეპუტატ ეკა ბესელიასა და  ფრაქცია „ქართული ოცნების“ დეპუტატ რატი იონათამიშვილს შორის პარლამენტში დღეს გამართულ იურიდიულ საკითხთა კომიტეტის სხდომაზე კამათი მოხდა. 

კამათის მიზეზი ეკა ბესელიას მიერ თბილისის საკრებულოს დეპუტატის ვატო შაქარშვილის დარბაზში დაშვების მოთხოვნა გახდა.

კომიტეტის თავმჯდომარემ შაქარაშვილს დარბაზში ადგილების უკმარისობის გამო პროცესისითვის აივნიდან თვალ-ყურის დევნება შესთავაზა, რაც ეკა ბესელიამ კანონდარღვევად შეაფასა და იონათამიშვილს რეპლიკით მიმართა: “ნუ სარგებლობ რაღაცებით”. 

"დაწყნარდი, რატი, შენ, ყველაფერზე ნუ გვპასუხობ. სირცხვილია რასაც ხალხი უყურებს და ნუ სარგებლობ რაღაცეებით. იქონიე ეთიკა და ნუ მაწყვეტინებ სიტყვას. არ არის საჭირო იმ დროს ჩარევა, როდესაც მმართველ პარტიას გამოქომაგება უნდა. თავს დაიცავენ თვითონ, მგონია რომ უკეთესად", - მიმართა ბესელიამ იონათამიშვილს.

ბესელიას საპასუხოდ მოგვიანებით, რატი იონათამიშვილმა განაცხადა, რომ შშმ მათი სტატუსით არ სარგებლობენ. 

"ჩვენ, შეზღუდული შესაძლებლობის მქონე ადამიანები, ვიბრძვით ჩვენი მდგომარეობიდან, მაგრამ არასდროს ვსარგებლობთ ჩვენი მდგომარეობით. ეტლი არის ჩვენი საჭიროება და არა - დიაგნოზი. როცა ადამიანის უფლებების კომიტეტის ყოფილი თავმჯდომარე შეზღუდულ შესაძლებლობაზე მიგითითებს, ამით თითოეულ შშმ პირს აყენებს შეურაცხყოფას. ამაზე უკადრებელი უკვე აღარ ვიცი, რა უნდა თქვას. ესეთი მენტალიტეტი ქმნის სტერეოტიპებს და ამას ვებრძვი მას შემდეგ, რაც ეტლის საჭიროება მაქვს", - განაცხადა იონათამიშვილმა.

მოამზადა გიორგი ჩაფიძემ

ავტორი: ექსპრესნიუსი,

სოციალური ქსელები

PSP-ს საერთაშორისო აღიარება - Curasept-ის ჯილდო საუკეთესო საგანმანათლებლო პროექტისთვის

ზურაბიშვილი: ყეინიშვილის 84 ხმით დამტკიცება იყო "ოცნების" გააზრებული პოლიტიკური არჩევანი

ძიუდოისტი ილია სულამანიძე მსოფლიო ჩემპიონი გახდა

მოსკოვის ყველა აეროპორტმა მუშაობა შეაჩერა, დრონებითა და საჰაერო ბურთებით თავდასხმების გამო