2019-10-19 11:55:46, 4228 ნახვა
რეგიონი
ატოცთან საოკუპაციო რეჟიმის წარმომადგენლებმა ლითონის ბადეები მიიტანეს - [ვიდეო]
ქარელის მუნიციპალიტეტში, სოფელ ატოცის განაპირას საოკუპაციო რეჟიმის წარმომადგენლები გამოჩნდნენ, - ამის შესახებ ინფორმაციას ატოცი ლაივი ავრცელებს.
ადგილზე მყოფი აქტივისტები აცხადებენ, რომ შეიარაღებულმა პირებმა აღნიშნულ ტერიტორიაზე ლითონის ბადეები მიიტანეს.
მათივე ცნობით, ადგილზე საოკუპაციო რეჟიმის დაახლოებით 15-20 წარმომადგენელი იმყოფება. ატოცში ასევე, ანტისაოკუპაციო მოძრაობის "ძალა ერთობაშიას" ლიდერი დავით ქაცარავაც იმყოფება.
სოფელთან ასევე ევროკავშირის სადამკვირვებლო მისიის წარმომადგენლებიც იმყოფებიან.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
