თბილისში აფთიაქში შესულ მამაკაცს ავტომობილი მოპარეს - ეჭვმიტანილი დაკავებული არაა

2019-10-07 17:20:19, 2313 ნახვა

სამართალი

თბილისში, გორგასლის ქუჩაზე აფთიაქში შესულ ერთ-ერთ მამაკაცს ავტომობილი მოპარეს. - მომხდარ ფაქტს შინაგან საქმეთა სამინისტროში ადასტურებენ.

როგორც „ექსპრესნიუსს“ შინაგან საქმეთა სამინისტროში განუცხადეს სამართალდამცველებმა TOYOTA-ს მარკის ავტომობილი ქურდობის ადგილიდან ახლოს 200 მეტრში მიტოვებული იპოვეს. მათივე ცნობით, იგი დაზიანებული არ არის და წინასწარი მონაცემებით მანქანიდან წაღებულიც არაფერია.

უწყების განცხადებით, ავტომობილი მფლობელს საგამოძიებო მოქმედებების დასრულებისთანავე გადაეცემა. პოლიცია დანაშაულის ჩამდენი პირის ვინაობის დადგენა-დაკავების მიზნით ინტენსიურ რეჟიმში აგრძელებს ოპერატიულ-საგამოძიებო და სამძებრო ღონისძიებებს. მომხდარზე გამოძიება 177-ე მუხლით მიმდინარეობს, რაც ქურდობას გულისხმობს. ადგილზე საგამოძიებო მოქმედებები მიმდინარეობს.

ტელეკომპანია "მთავარის" ფოტო

გიორგი ჩაფიძე

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,