დღეს, აჭარის ავტონომიური რესპუბლიკის განათლების, კულტურისა და სპორტის მინისტრი მაია ხაჯიშვილი შუახევის მერთან ფრიდონ ფუტკარაძესთან ერთად მუნიციპალიტეტის საჯარო სკოლების დირექტორებს შეხვდა.

 შეხვედრაზე, ახალი სასწავლო წლის დაწყებასთან დაკავშირებით სკოლებში არსებულ გამოწვევებსა და მათი გადაჭრის გზებზე ისაუბრეს.განიხილეს ის ინფრასტრუქტურული პროექტები, რაც სამინისტროს მიზნობრივი პროგრამის ფარგლებში შუახევის  მუნიციპალიტეტში მიმდინარეობს და უახლოეს პერიოდში იგეგმება.

 წელს, აჭარის განათლების, კულტურისა და სპორტის სამინისტროს „საჯარო სკოლების ინფრასტრუქტურის გაუმჯობესების“ პროგრამის ფარგლებში დაიწყო დაბა შუახევის საჯარო სკოლის მშენებლობა, სასწავლო პროცესი კი პანსიონის შენობაში განახლდება. სპორტული ინვენტარი გადაეცა ფურტიოს, ჯაბნიძეებისა და შუბნის სკოლებს, ხოლო ოლადაურის, დღვანისა და ქიძინიძეების სკოლის ბიბლიოთეკა შეივსო მხატვრული ლიტერატურით. ლაბორატორია მოეწყო ჯაბნიძეების საჯარო სკოლაში.

წელს, შუახევში 110 პირველკლასელია, რომლებსაც საჩუქრად პერსონალური კომპიუტერები გადაეცემათ.

 მუნიციპალიტეტში  77 ვაკანტურ პოზიციაზე კონკურსის წესით შეირჩა  10 პედაგოგი, ხოლო დარჩენილ  67 ვაკანსიაზე გამოცხადებულია კონკურსი.

(NS)

ავტორი: ექსპრესნიუსი,

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება