„ჩვენ შევქმნით საქართველოში, რაც აქამდე არ არსებულა, ფიზიკური პირების გადახდისუუნარობის სისტემას“, - ამის შესახებ იუსტიციის მინისტრობის კანდიდატმა თეა წულუკიანმა პარლამენტში ოთხი კომიტეტის გაერთიანებულ სხდომაზე განაცხადა.

როგორც წულუკიანმა აღნიშნა, აღსრულების კოდექსზე მუშაობა დასრულდა, ასევე, საჯარო კონსულტაციებიც და თქვენ წინაშე წარმოდგენილი იქნება რეფორმა უკვე ამ შემოდგომაზე, რომლის შედეგადაც ჩვენს ქვეყანას აღარ ეყოლებიან ე.წ. სახელმწიფო აღმასრულებლები. შეიქმნება აღმასრულებელთა პალატა, დაახლოებით, იმავე მოდელზე, როგორც არსებობს ნოტარიატში.

„ჩვენ  შევქმნით საქართველოში, რაც აქამდე არ არსებულა, ფიზიკური პირების გადახდისუუნარობის სისტემას. ეს არ იქნება ამავე პაკეტის ნაწილი, მაგრამ მოგვიანებით იქნება თქვენ წინაშე წარმოდგენილი. აქვე მინდოდა, უკვე დღეიდანვე გცოდნოდათ, მთავრობის პროგრამაშიც არის და საკმაოდ დიდი სიახლეა.

მიწის რეგისტრაციის რეფორმა უნდა გაგრძელდეს, რადგან ის წარმატებული რეფორმა, რომელიც ჩვენ გვაქვს, კიდევ აჩვენებს ხარვეზებს მიწის რეგისტრაციის ნაწილში. ჩვენ ვიმსჯელეთ მთავრობის შიგნით და გვაქვს კანონის პროექტი, რომელიც დარჩენილ ხარვეზებსაც აღმოფხვრის. „მეწარმეთა შესახებ კანონი", თქვენ კარგად მოგეხსენებათ, ძალიან მოძველდა. ახალი კანონის პროექტის გარშემო საჯარო კონსულტაციები გაიხსნება შემოდგომაზე და იმედი მაქვს, რომ ამ კონსულტაციების შედეგად წლის ბოლოს თქვენ წინაშე ეს რეფორმაც იქნება წარმოდგენილი. ასევე, გაერთიანდება ის ორი კანონი, რომლებიც საქართველოში უცხოური ინვესტიციების შესახებ არსებობს, რადგან ერთიც ხარვეზიანია და მეორეც − შემუშავდება ერთი საკანონმდებლო აქტი, რომელიც შექმნის ნაყოფიერ ნიადაგს უცხოური ინვესტიციებისთვის საქართველოში.

აღსრულების კოდექსზე მუშაობა დასრულდა, ასევე, საჯარო კონსულტაციებიც და თქვენ წინაშე წარმოდგენილი იქნება რეფორმა უკვე ამ შემოდგომაზე, რომლის შედეგადაც ჩვენს ქვეყანას აღარ ეყოლებიან ე.წ. სახელმწიფო აღმასრულებლები. შეიქმნება აღმასრულებელთა პალატა, დაახლოებით, იმავე მოდელზე, როგორც არსებობს ნოტარიატში“, - აღნიშნა წულუკიანმა.

(NS)

ავტორი: ექსპრესნიუსი,

სოციალური ქსელები

მაკრონმა აღიარა, რომ მომავალში საფრანგეთის პრეზიდენტად დაბრუნებას გეგმავს

უკრაინამ დონბასში რუსული არმიის წინააღმდეგ საბრძოლო რობოტები პირველად გამოიყენა

კობახიძე – მაინც ყოველდღიურად იკრიბებიან ხან 20, ხან 50, ხან 150 კაცით, სექტის სახე ნამდვილად შეიძინა ამ დაჯგუფებამ

ივანიშვილის პაპუაშვილი ოპოზიციურად განწყობილ ხალხს სექტას უწოდებს