აგვისტოს პირველ შაბათ-კვირას შუახევში სახალხო დღესასწაული ,,შუამთობა“ აღინიშნება.

ზეიმი ჩვეულებრივ, მთის სეზონის შუა პერიოდს ემთხვევა. ეს ტრადიცია უკვე მრავალი წელია გრძელდება და მისი მასშტაბები ყოველწლიურად იზრდება.

,,შუამთობის“ დღესასწაული საზეიმოდ  3 აგვისტოს 13:00 საათზე გომის მთაში  გაიხსნება, ხოლო დასკვნითი ღონისძიება 4 აგვისტოს 14:00 საათზე ჩირუხის მთაში გაიმართება.

3- აგვისტოს პარალელურად ღონისძიებები  მერიაყელის, ტყისველას, სანალიას, საბერწიას, გრძელგორის, ყავრიანის, კატრიანის, თეთრობის, ხოლო 4 - აგვისტოს ღომას, მაწყვალთის და ჯანჯღნარის მთებში ჩატარდება.

მაღლა მდებარე ალპურ ზონაში მოიალაღეები პირუტყვის მოვლა-პატრონობასთან ერთად მთელი წლის სამყოფ რძის პროდუქტებს ამზადებენ. დღესასწაულზე მათ ბარად დარჩენილი ოჯახის წევრები და ახლობლები სტუმრობენ, რომლებსაც მასპინძლები ტრადიციული აჭარული კერძებით უმასპინძლდებიან, ბარის და მთის ამბებს ერთმანეთს უყვებიან და დღესასწაულს ზეიმობენ.

შუამთობაზე ტრადიციულად ეწყობა სახალხო სეირნობა, კულტურული და სპორტული ღონისძიებები, სხვადასხვა აქტივობები. სტუმრებს საშუალება ექნებათ დააგემოვნონ აჭარული ტრადიციული სამზარეულო, რძის ნაწარმი, ბორანო, სინორი, ხავიწი, კაიმაღი, აჭარული დაწნილი ყველი და ა.შ.

სახალხო დღესასწაულის ძირითადი გაზვნილია ტრადიციების შენარჩუნება.

(NS)

ავტორი: ექსპრესნიუსი,

სოციალური ქსელები

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს

ბათუმში, ტრადიციულად წვიმის შედეგად ქუჩები დაიტბორა

მიხეილ სარჯველაძე აცხადებს, რომ ინტოქსიკაციის ნიშნებით, 100-ზე მეტი ბავშვის ჰოსპიტალიზება გახდა აუცილებელი