2019-07-24 17:44:43, 2012 ნახვა
სამართალი
საქალაქო სასამართლომ მიხეილ კალანდია პატიმრობაში დატოვა
თბილისის საქალაქო სასამართლომ ხორავას ქუჩაზე მომხდარი მოზარდების მკვლელობის საქმეზე დაკავებული მიხეილ კალანდია პატიმრობაში დატოვა.
კალანდიას ადვოკატი გირაოს სანაცვლოდ გათავისუფლებას ითხოვდა.
თუმცა, ბრალდების მხარემ შესავალ სიტყვაში ისაუბრა მტკიცებულებებზე, რომელთა გამოკვლევა შემდეგ პროცესებზე მოხდება.
"ბრალდების მხარის მიერ წარმოდგენილია ათეულობით წერილობითი მტკიცებულება, ვიდეო ჩანაწერები, სხვადასხვა ნივთიერი მტკიცებულება. დაახლოებით 150 მოწმეა დასაკითხი“, - განაცხადა პროკურორმა ბესიკ კვარცხავამ.
შეგახსენებთ, რომ მიხეილ კალანდიას ბრალი დავით სარალიძის მკვლელობაში ედება. ის შსს-მ 4 ივნისს დააკავა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
