„რა თქმა უნდა იდეალური სასამართლო ხელისუფლება არ არსებობს, მაგრამ ამ ხელისუფლებას აქვს თავისი შესაძლებლობები, ინტელექტუალური რესურსი , ფინანსური რესურსი, რომელიც კანონით გარანტირებული აქვს და აქვს მმართველობის საკუთარი რგოლი, მაშინ რატომ არ უნდა იყოს ისეთი ხელისუფლება, როგორიც არის მთავრობა, როგორიც არის საკანონმდებლო ორგანო?!“, - ამის შესახებ  უზენაესი სასამართლოს მოსამართლეობის კანდიდატმა, გენერალურმა პროკურორმა შალვა თადუმაძემ სასამართლოში  არსებულ პრობლემებზე საუბრისას  განაცხადა.

მან აღნიშნა, რომ საჭიროა წარმატებული და რეიტინგული სასამართლო ხელისუფლებების მოდელების შესწავლა და საქართველოში დანერგვა:

„მომხმარებლის 100 პროცენტი არ შეიძლება იყოს სამართლოთი კმაყოფილი, გამორიცხულია კმაყოფილი იყოს, რადგან შეჯიბრებითობის პრინციპია, ერთი იგებს, მეორე  აგებს. ასევე საგულისხმოა,  როგორია კმაყოფილების ხარისხი. და მესამე, რაც არის მნიშვნელოვანი, ისევ იქ ვბრუნდები, რომ ჩვენ ველოსიპედის გამოგონება არ გვიწევს, არ გვჭირდება. როგორ ახერხებს სასამართლო ხელისუფლებები ძალიან  ბევრ ქვეყანაში, რომ უფრო რეიტინგულები არიან, ვიდრე აღმასრულებელი ხელისუფლებები ან საკანონმდებლო ხელისუფლებები? ეს მოდელები არსებობს, ეს მოდელები არის სავარაუდოდ შესასწავლი და დასანერგი“, - აღნიშნა შალვა თადუმაძემ.

ავტორი: ექსპრესნიუსი,

სოციალური ქსელები

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა

$47 000 მოსთხოვა, დაემუქრა მოკვლით – პროკურატურამ გიორგი ფეიქრიშვილს ბრალი წარუდგინა