„წარმოდგენა არ მაქვს რა კითხვები ექნებათ“ - ირაკლი ოქრუაშვილი დაკითხვაზე მივიდა

2019-07-23 11:13:47, 2680 ნახვა

სამართალი

გამარჯვებული საქართველოს ლიდერი, ირაკლი ოქრუაშვილი თბილისის საქალაქო სასამართლოში დაკითხვაზე მივიდა.

ოქრუაშვილი მაგისტრი მოსამართლის თანდასწრებით დაიკითხება.

როგორც მან დაკითხვაზე შესვლამდე ჟურნალისტებს განუცხადა, 20 ივნისის ღამეზე თუ ვინმეა დასაკითხი, პირველ რიგში „ქართული ოცნების“ თავმჯდომარე ბიძინა ივანიშვილია.

„წარმოდგენა არ მაქვს რა კითხვები ექნებათ, შესაბამისად პასუხებსაც ვერ გეტყვით. ამ საქმეზე პირველი თუ ვინმეა დასაკითხი, ეს არის ბიძინა ივანიშვილი, რომელმაც ურცხვად მოიტყუა. ბავშვიც რომ არ დაიჯერებს ისე, როდესაც ურცხვად თქვა, რომ 20 ივნისის ღამეს ეძინა და არ იცოდა რა ხდებოდა რუსთაველზე. დიდი ხნის განმავლობაში, ცხოვრების ბოლომდე მას გაჰყვება 20 ივნისის ლაქა. სხვის ბოსტანში ქვის გადაგდებას ჰგავს ეს ყველაფერი, საკუთარ თავს მოსთხოვონ, რაც მოხდა“, - აღნიშნა ირაკლი ოქრუაშვილმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან