„სანამ პროკურატურის და სასამართლოს შესაბამისი გადაწყვეტილებები არ იქნება, ეს პოლიციელები არიან პოლიციელები“, - ამის შესახებ შინაგან საქმეთა მინისტრმა გიორგი გახარიამ პროკურატურაში გამოკითხვის შემდეგ, 20-21 ივნისის მოვლენების გამოძიების ფარგლებში დაკავებულ სამართალდამცველებზე საუბრისას განაცხადა.

კითხვაზე დაკავებული პოლიციელების გარდა, დაეკისრება თუ არა პასუხისმგებლობა სხვა თანამშრომლებს, გახარიამ აღნიშნა, რომ თუ პროკურატურა გადაცდომას აღმოაჩენს, შესაბამისი რეაგირება მოხდება.

„პასუხისმგებლობა იქნება იმაზე, რომ შინაგან საქმეთა სამინისტრომ და პოლიციელებმა შეძლეს და ქვეყანას აარიდეს სამოქალაქო დაპირისპირება. ეს არის ჩვენი ყველაზე დიდი მიღწევა. თუ რომელიმე პოლიციელის ქმედებაში პროკურატურა აღმოაჩენს გადაცდომას, რა თქმა უნდა იქნება სამართლებრივი რეაგირება, მაგრამ მე მინდა აღვნიშნო, სანამ პროკურატურის და სასამართლოს შესაბამისი გადაწყვეტილებები არ იქნება, ეს პოლიციელები არიან პოლიციელები.

რაც შეეხება კითხვას, საქმის მასალებში, რომელიც პროკურატურას გადაეცა, დევს თუ არა 112-ის კამერების ჩანაწერები, გახარიამ აღნიშნა, რომ გენერალურ პროკურატურას ყველა საჭირო მტკიცებულება აქვს.

„საქმის მასალებში დევს ყველაფერი, რაც საჭიროა იმისთვის, რომ გენერალურმა პროკურატურამ შესაბამისად ჩაატაროს გამოძიება. მათ შორის დევს 112-ის ვიდეოკამერის ჩანაწერები“, - განაცხადა გიორგი გახარიამ.

ავტორი: ექსპრესნიუსი,

სოციალური ქსელები

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა