ბათუმის მუნიციპალიტეტის საკრებულოს ბიუროს სხდომაზე „ერთიანი ნაციონალური მოძრაობის“ და „ქართული ოცნების“ დეპუტატები ერთმანეთს დაუპირისპირდნენ.

 „ნაციონალური მოძრაობა“ საკრებულოს უმრავლესობისგან რუსულ აგრესიასთან დაკავშირებით პოზიციის წერილობით ჩამოყალიბებას და საქართველოს მთავრობისთვის გადაგზავნას ითხოვდა.  პარტიის წევრი მირდატ ქამადაძე აცხადებს, რომ პროცედურული ნორმების ზედმიწევნით დაცვის მიუხედავად, საკითხი დღის წესრიგში არ შეიტანეს.

„რაც 20-21 ივნისს განვითარდა, ეს არის ზეპარტიული საკითხი, ანტიოკუპაციური საკითხია. რუსეთის მიერ საქართველოში წარმოებულ ჰიბრიდულ ომს ეხება და ტექსტშიც ამაზე გვაქვს ხაზი გასმული.  ბუნებრივია,  იმ ადამიანების დასახიჩრებას მიეცეს შეფასება. ეს საკითხი გვქონდა დაყენებული და ყველა სამართლებრივი ნორმების დარღვევით, დღის წესრიგში არ შეიტანა ბიურომაც კი, მაშინ, როდესაც ყველა ფორმალური ნორმა დაცული გვქონდა.  იურიდიულ და საპროცედურო საკითხთა კომისიის თავმჯდომარემ განმარტება გააკეთა, „მე ასე გადავწყვიტეო“, -  ერთპიროვნულად მიიღომ გადაწყვეტილება,“-განაცხადა  მირდატ ქამადაძემ.

იურიდიულ და საპროცედურო საკითხთა კომისიის თავმჯდომარე თემურ კახიძე აცხადებს, რომ საკითხი ცდება მათ უფლებამოსილებას და ერთობლივი მსჯელობის შედეგად გადაწყდა, საკითხი სხდომაზე არ გასულიყო.

„როდესაც ის ცდება ჩვენს უფლებამოსილებებს, ჩვენ ვალდებული არ ვართ განვიხილოთ ეს საკითხი კომისიაზე. მიუხედავად ამისა, ბატონი მირდატის თხოვნის თანახმად, მე დავაყენე კენჭისყრაზე, მომხდარიყო თუ არა ამ საკითხის განხილვა. სადაც ყველამ ერთის წინააღმდეგ დაუჭირა მხარი იმას, რომ არ მომხდარიყო ამ საკითხის განხილვა. თუ არ არსებობს საკითხთან დაკავშირებით იურიდიულ კომისიის დასკვნა, ის ვერანაირად ვერ მოხვდებოდა ბიუროს დღის წესრიგში“, - განაცხადა თემურ კახიძემ.

(NS)

ავტორი: ექსპრესნიუსი,

სოციალური ქსელები

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს

ბათუმში, ტრადიციულად წვიმის შედეგად ქუჩები დაიტბორა

მიხეილ სარჯველაძე აცხადებს, რომ ინტოქსიკაციის ნიშნებით, 100-ზე მეტი ბავშვის ჰოსპიტალიზება გახდა აუცილებელი