"მე წარმოვადგენ იმ ქვეყნის მთავრობას, რომელიც საკუთარ თავს ყოველთვის ევროპულ ერად აღიქვამდა და აღიქვამს", - ამის შესახებ ეკონომიკისა და მდგრადი განვითარების მინისტრმა ნათია თურნავამ ტელეკომპანია „მაესტროს" პირდაპირ ეთერში გამოსვლისას განაცხადა. 

მისივე თქმით, აქედან გამომდინარე,  არამხოლოდ მნიშვნელოვანია  განვახორციელოთ ევროკავშირთან  თავისუფალი ვაჭრობის შეთანხმებით დაკისრებული ვალდებულებები და გათვალისწინებული რეფორმები, არამედ  სასიცოცხლოდ აუცილებელია. 

„ეს არის ჩვენი არჩევანი, ჩვენი ერის არჩევანი და ის დაკვეთა, რომელსაც ჩვენი ქვეყნის მთავრობა ასრულებს და შეასრულებს", - განაცხადა ნათია თურნავამ. 

ეკონომიკის მინისტრის თქმით, ჩვენი ქვეყნის ეკონომიკური და სოციალური განვითარების სტრატეგია გადაწყობილი და დაფუძნებულია ევროკავშირთან ინტეგრაციის დღის წესრიგზე. მისივე განცხადებით, ეს არის ძირითადი სტრატეგიის მთავარი ამოსავალი წერტილი - იქნება ეს განათლების,  სიღარიბის დაძლევისა თუ ბიზნესის განვითარების სფერო.

„არავის უჩნდება კითხვა ჩვენი სტრატეგიული პარტნიორებიდან, თუ რამდენად წარმატებულად  მივყვებით ამ გზას და ყველა აღიარებს ჩვენს წარმატებას. რა თქმა უნდა, ყოველთვის გაჩნდებიან შიგნით გარკვეული პოლიტიკური ძალები, ვინც თავის მოკლევადიანი კონიუნქტურიდან გამომდინარე, ხან რას დააყენებენ კითხვის ნიშნის ქვეშ და ხან რას. თუმცა  ვფიქრობთ, მოსახლეობა ხედავს, თუ რა არის ჩვენი მთავარი ამოსავალი წერტილი - რომ ეს არის ევროპული და ევროატლანტიკური ინტეგრაცია და ამას ხედავენ ჩვენი პარტნიორებიც - ამერიკის შეერთებული შტატები და ევროკავშირი", - განაცხადა ნათია თურნავამ გადაცემაში „მაესტროელებში".

(NS)

ავტორი: ექსპრესნიუსი,

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო