შინაგან საქმეთა მინისტრის გიორგი გახარიას განცხადებით, 20-21 ივნისის აქციაზე სამარტალდამცველებმა ლეგიტიმური და პროპორციული ძალა გამოიყენეს. 

როგორც გახარიამ "TV პირველის" ეთერში განაცხადა, იყო ცალკეული შემთხვევები, როდესაც პოლციამ ძალას გადაამეტა. 

"ჩემთან ერთად ამ ღონისძიებაში მონაწილეობდა ასობით პოლიციელი. რომლებმაც შეასრულეს ფუნქცია, თავისი პირდაპირი მოვალეობა და დაიცვეს სახელმწიფო ძალადობისგან და ინსტიტუციონალური ჩამოშლისგან. ჩვენი სტანდარტი იქნება, რომ ეს არის მიღწევა, ეს არის ჩვენი მოვალეობა, და არა გაქცევა. ჩვენ არსად არ გვეჩქარება. ამ ღონისძიების დროს ძალის გამოყენება პოლიციის მხრიდან იყო ლეგიტიმური და პროპორციული. იყო გარკვეული შემთხვევები ძალის გადამეტების, რომელსაც გენპროკურატურა იძიებს. ეს უწყება არის დამოუკიდებელი და შს მინისტრ გიორგი გახარიას მასზე გავლენა არ აქვს", - აღნიშნა შს მინისტრმა. 

ჟურნალისტი ინგა გრიგოლია დაინტერესდა, თუ რატომ არ დაიბარეს შს მინისტრი მიმდინარე გამოძიების ფარგლებში გამოკითხვაზე, რაზეც გახარიამ ასე უპასუხა: "მეც დამიბარებენ". 

გრიგოლია აგრეთვე დაინტერესდა, თუ რატომ არ არიან პასუხისგებაში მიცემული ის პირები, ვის გამოც რამდენიმე ადამიანმა თვალი დაკარგა. 

"ადამიანებმა დაკარგეს თვალი, აფარებული ხელი სახეზე გახდა აქციის სიმბოლო", - მიმართა ჟურნალისტმა გიორგი გახარიას. 

"ჩვენს შორის განსხვავება არის. თქვენ უფლება გაქვთ და ვალდებულება გაქვთ იყოთ მსგავსად ემოციური. მინდა გითხრათ, როდესაც ერთ თვალზე ხელს აიფარებთ, გახსოვდეთ, რომ ჩვენ გვყავს პოლიციელი, რომელმაც თავდასხმის შედეგად 95%-ით მხედველობა დაკარგა. ეს ადამიანიც უნდა გვახსოვდეს", - აღნიშნა შს მინისტრმა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა