პარლამენტის თავმჯდომარე არჩილ თალაკვაძემ "რუსთავი 2"-ის წამყვანის გიორგი გაბუნიას ცნობილი განცხადება საკუთარი ქვეყნისა და ხალხის წინააღმდეგ მიმართულ პროვოკაციად შეაფასა.

მან ხაზი გაუსვა, რომ ეს არა ერთი ჟურნალისტის მოფიქრებული, არამედ "ნაციონალური მოძრაობის" მიერ დაგეგმილი პროვოკაცია იყო. 

"იყო მცდელობები ყველაფერი გადაებრალებინათ ერთი ჟურნალისტისთვის. ეს არის მათი შიდა წესები  როგორც ექცევიან თავისივე გუნდის წევრებს -  ეს გასაგებია და მე ამ შეფასებებში არ შევალ.  საზოგადოებამ დაინახა, რომ რეალურად, ეს პროვოკაცია არ არის ერთი ჟურნალისტის „შეცდომა“ და არ არის ერთი ჟურნალისტის მიერ მოფიქრებული, არამედ მოფიქრებულია „რუსთავი 2“-ის და მისი მმართველი პოლიტიკური ჯგუფის მიერ. ეს არის მიზანმიმართული პროვოკაცია საკუთარი ქვეყნის და საკუთარი ხალხის წინააღმდეგ", - განაცხადა პარლამენტის თავჯდომარემ. 

თალაკვაძემ გაბუნიას განცხადება ნაციონალური მოძრაობის იმ პოლიტიკის გაგრძელებად შეაფასა, რომელიც ჯერ კიდევ პარლამენტის შტურმის მცდელობამდე, თვეებით ადრე დაიწყო პარტიამ. 

"ეს არ არის იზოლირებული ნაბიჯი და ერთეული შემთხვევა - მათი საერთო პოლიტიკის და გეგმის ნაწილია. ჩვენ გვახსოვს წინა თვეებში პირდაპირი განცხადებები დესტაბილიზაციაზე  -  ამბობდნენ, რომ უნდა აადუღონ ქვეყანა - ესეც ხომ არ იყო მოგონილი სიტყვები?  - უნდა ავადუღოთ ქვეყანა, უნდა ავადუღოთ სამეგრელო, გახსოვთ, ხომ ეს ტერმინები?  - უკვე თვეებია რაც ეს რიტორიკა და განცხადებები გრძელდება. ეს ბოლო პროვოკაციებიც იყო მათი ამ საერთო ხედვის და გეგმის ნაწილი, რომელიც რეალურად რაღაცის მომტანი ეგონათ. მაგრამ მინდა დავარწმუნო საზოგადოება, რომ ამ პოლიტიკურ ჯგუფს არავითარ შესაძლებლობას არ მივცემთ დესტაბილიზაციის და არეულობის გზითა და ქვეყნის ეკონომიკის დაზიანებით, საზოგადოების ინტერესების დაზიანებით პოლიტიკური დივიდენდები მიიღონ -  ეს იქნება შეუძლებელი", - აღნიშნავს თალაკვაძე. 

პარლამენტის თავჯდომარემ ხაზი გაუსვა, რომ სახელმწიფო არ დაუშვებს არცერთი პოლიტიკური ჯგუფის მიერ ქვეყნის უსაფრთხოებისა და კონსტიტუციური წესრიგის ხელყოფას. 

"ვფიქრობ, ამ დღეებში საზოგადოებამ დაინახა, რომ სახელმწიფოს შეუძლია ბევრის მოთმენა, მაგრამ სახელმწიფო არ დაუშვებს და არ მოითმენს რომელიმე პოლიტიკურმა ჯგუფმა  სცადოს კონსტიტუციური წესრიგის და ადამიანების უსაფრთხოების ხელყოფა. ხაზგასმით მინდა ვთქვა - ვინც გადაკვეთავს წითელ ხაზებს, აუცილებლად მიიღებს სახელმწიფოსგან კანონისმიერ და პრინციპულ პასუხებს. ეს იქნება ასე", - დასძინა მან. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები