|
2019-07-09 17:15:18, 1621 ნახვა
ეკონომიკა
არველაძე: აღმოსავლეთ პარტნიორობის ფარგლებში საინვესტიციო პროექტების პირველი კატალოგი შეიქმნა
„აღმოსავლეთ პარტნიორობის ფარგლებში პირველად შეიქმნა საინვესტიციო პროექტების კატალოგი, სადაც ექვსივე ქვეყნის - აზერბაიჯანის, ბელარუსის, მოლდოვას, საქართველოს, სომხეთისა და უკრაინის კერძო და სახელმწიფო სექტორებიდან იქნება წარმოდგენილი საინვესტიციო პროექტები, რაც ევროკავშირის სხვადასხვა ინვესტორებს საშუალებას მისცემს, დეტალურად გაეცნონ მათ და დაინტერესების შემთხვევაში, წარადგინონ საინვესტიციო წინადადებები“, - ამის შესახებ ეკონომიკის მინისტრის მოადგილემ, გენადი არველაძემ დღეს გამართულ ბრიფინგზე ჟურნალისტებთან განაცხადა. მინისტრის მოადგილემ დეტალურად ისაუბრა აღმოსავლეთ პარტნიორობის პირველი საინვესტიციო ფორუმის მნიშვნელობაზე, რომელიც ბათუმში, მიმდინარე წლის 11 ივლისს გაიმართება. ფორუმში, რომელსაც საქართველოს პრემიერ-მინისტრი გახსნის, მონაწილეობს ეკონომიკისა და მდგრადი განვითარების მინისტრი ნათია თურნავა, ასევე აღმოსავლეთ პარტნიორობის ქვეყნების უმაღლესი თანამდებობის პირები, საინვესტიციო სააგენტოები, მსხვილი ბიზნესგაერთიანებები, საერთაშორისო კომპანიები, ევროპის საინვესტიციო ბანკის, ასევე ევროპის რეკონსტრუქციისა და განვითარების ბანკის მაღალი რანგის წარმომადგენლები. „ფორუმის მიზანია, მოიზიდოს მეტი ევროპული ინვესტიცია საქართველოსა და სხვა აღმოსავლეთ პარტნიორობის ქვეყნებში. ავირჩიეთ სექტორები ძირითადი პრირიტეტული საინვესტიციო მიმართულებების მიხედვით - სოფლის მეურნეობა, გადამამუშავებელი მრეწველობა, ინფრასტრუქტურა, ტრანსპორტი და ტურიზმი და ვგეგმავთ, ამ სექტორებში არსებული საინვესტიციო პროექტები იყოს ხელმისაწვდომი ყველა დაინტერესებული ინვესტორისთვის როგორც ევროკავშირის, ასევე აღმოსავლეთ პარტნიორობის ქვეყნებიდან და რაც მთავარია, ჩვენი სურვილია რომ აღნიშნული პროექტების ჩამონათვალი იყოს განახლებადი. პრაქტიკულად, ეს არის უპრეცედენტო გადაწყვეტილება, რადგან შეიქმნა პირველი შესაძლებლობა, რომ აღმოსავლეთ პარტნიორობის ექვსივე ქვეყანაში არსებულ საინვესტიციო პროექტებს თავი მოეყარა ერთიანი კატალოგის სახით" - განაცხადა გენადი არველაძემ. აღმოსავლეთ პარტნიორობის პირველი საინვესტიციო ფორუმი ევროკომისიის, საქართველოს ეკონომიკისა და მდგრადი განვითარების სამინისტროსა და ევროპული მმართველობისა და ეკონომიკის ცენტრის თანაორგანიზებით იმართება.
(NS)
კალაძე ვაგონების შეკეთების საქმეზე: გამოძიება ჩვენივე შესაბამისი სამსახურების მოკვლევის საფუძველზე დაიწყო
საქართველოს ბანკი ქმნის განათლების უწყვეტ შესაძლებლობებს ქუთაისში
სანქცირებული რუსული Wildberries-ის საქართველოში ტაქსის გაშვებას აპირებს
სანქცირებული სამთავრობო იმედის და პოსტვ-ის შემოსავლები მკვეთრად შემცირდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



