„თუ ვხედავთ არამეგობრულ ქმედებებს სხვა ქვეყნისგან, ჩვენს მთავრობას შეუძლია ხარისხისგან დამოუკიდებლად აკრძალოს პროდუქციის იმპორტი“, - ამის შესახებ „როსპოტრებნადზორის“ ყოფილმა უფროსმა, დუმის დეპუტატმა და ეუთო-ში რუსული დელეგაციის წევრმა გენადი ონიშჩენკომ, რუსეთში ქართულ ალკოჰოლურ ნაწარმზე კონტროლის გაძლიერებასთან დაკავშირებით განაცხადა.

მანვე აღნიშნა, რომ საქართველოში ძეგლი უნდა დაუდგან, რადგან „ქართული მეღვინეობის ეროვნული კულტურა შეინარჩუნა“.

„თქვენ მე საქართველოში ძეგლი უნდა დამიდგათ, რადგან მე შევინარჩუნე თქვენი მეღვინეობის ეროვნული კულტურა. რაც შეეხება, ახლანდელ სიტუაციას, ამჟამინდელი მონაცემები არ მიუთითებს იმაზე, რომ უნდა ავკრძალოთ, მაგრამ რუსეთში მივიღეთ კანონი, რომელიც არ ეხება პროდუქციის უსაფრთხოებას, არამედ თუ ჩვენ ვხედავთ არამეგობრულ ქმედებებს სხვა ქვეყნისგან, ჩვენს მთავრობას შეუძლია ხარისხისგან დამოუკიდებლად, აკრძალოს იმპორტი“, - განაცხადა ონიშჩენკომ.

რაც შეეხება დუმის დეპუტატის, სერგეი გავრილოვის თბილისში ვიზიტსა და შემდგომ განვითარებულ მოვლენებს, ონიშჩენკომ განაცხადა, რომ ქართულმა ოპოზიციამ პროვოკაცია მოაწყო.

„თქვენ მოიწვიეთ ქრისტიანული ქვეყნების ასამბლეა საქართველოში და დიდი ხნის განმავლობაში ცდილობდით, რომ ეს შეხვედრა საქართველოში ჩატარებულიყო. თქვენმა ოპოზიციამ აბსოლუტურად ბოროტი განზრახვით მოაწყო პროვოკაცია. იქ არ იყო ხალხი, იქ იყვნენ მოსყიდული მებრძოლები და ეს აქცია იყო მთლიანად პროვოცირებული. ამიტომ რუსეთს ჯერ არ მიუღია, მაგრამ ვიმედოვნებ, რომ მიიღებს არა მხოლოდ ეკონომიკურ, არამედ პოლიტიკურ გადაწყვეტილებებს“, - განაცხადა გენადი ონიშჩენკომ "რუსთავი 2"-თან საუბრისას.

ავტორი: ექსპრესნიუსი,

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები