|
2019-07-04 19:34:03, 2051 ნახვა
ეკონომიკა
ეკონომიკის სამინისტროში საქართველო-პოლონეთს შორის ტურისტული ნაკადების გაზრდისა საკითხები განიხილეს
ტურისტული ნაკადების გაზრდისა და ახალი ტურისტული მიმართულებების განვითარების საკითხები განიხილეს საქართველოს ეკონომიკისა და მდგრადი განვითარების მინისტრის მოადგილემ, ნიკოლოზ ალავიძემ და ტურიზმის ეროვნული ადმინისტრაციის ხელმძღვანელმა, მარიამ ქვრივიშვილმა პოლონეთის ტურიზმისა და სპორტის სამინისტროს წარმომადგენლებთან გამართულ შეხვედრაზე, რომელსაც პოლონეთის ელჩი საქართველოში მარიუშ მაშკიევიჩიც ესწრებოდა. შეხვედრა ეკონომიკისა და მდგრადი განვითარების სამინისტროში გაიმართა. „განვიხილეთ კონკრეტული განვითარების გეგმები, პრიორიტეტი არის სათავგადასავლო, კულტურული, ასევე აგროტურიზმის მიმართულებები, რაშიც პოლონეთს ძალიან მდიდარი გამოცდილება აქვს. ასევე განსაკუთრებულად მნიშვნელოვანია მათი პარტნიორი, დასავლეთ ევროპული სახელმწიფოები - გერმანია და სკანდინავიის ქვეყნები, რომლებიც ჩვენს სამიზნე ჯგუფს წარმოადგენენ ტურიზმის კუთხით. შევთანხმდით გამოცდილების გაზიარებაზე, კონკრეტულ სამოქმედო გეგმაზე და შემიძლია ვთქვა, რომ უკვე დღეიდან დავიწყებთ გარკვეული შეთანხმებების აღსრულებას" - განაცხადა შეხვედრის დასრულების შემდეგ ნიკოლოზ ალავიძემ. მისივე თქმით, ასევე ძალიან საინტერესო იყო სპატურიზმისა და სამედიცინო ტურიზმის კუთხით თანამშრომლობის პერსპექტივების განხილვა პოლონურ მხარესთან. „დიდი იმედი გვაქვს, რომ აქტიური ურთიერთთანამშრომლობით ჩვენ შევძლებთ, კიდევ უფრო გავზარდოთ ტურისტული ნაკადები როგორც პოლონეთიდან, ასევე მსოფლიოს სხვა ქვეყნებიდან", - აღნიშნა მინისტრის მოადგილემ. ეკონომიკის სამინისტროს ტურიზმის ეროვნული ადმინისტრაციის ხელმძღვანელის, მარიამ ქვრივიშვილის განცხადებით, პოლონეთი ტურიზმის მიმართულებით ტოპ-ათეულში შემავალი ქვეყანაა და ჩვენი მიზანია, რომ მან გადმოინაცვლოს ტოპ- ხუთეულში. „შესაბამისად, შევთანხდით, რომ ერთობლივად ვიმუშავებთ პოლონეთის სხვადასხვა ქალაქებიდან საქართველოს მიმართულებით საჰაერო რეისების სიხშირეების გაზრდაზე. ასევე შევთანხმდით, გავცვალოთ ცოდნა და ინფორმაცია, თუ როგორ შეიძლება კიდევ უფრო მჭიდროდ ვითანამშრომლოთ, რადგან პოლონეთი, ჩვენთვის ერთ-ერთი უმნიშვნელოვანესი ტურისტული მიმართულებაა", - განაცხადა მარიამ ქვრივიშვილმა.
(ns)
კალაძე ვაგონების შეკეთების საქმეზე: გამოძიება ჩვენივე შესაბამისი სამსახურების მოკვლევის საფუძველზე დაიწყო
საქართველოს ბანკი ქმნის განათლების უწყვეტ შესაძლებლობებს ქუთაისში
სანქცირებული რუსული Wildberries-ის საქართველოში ტაქსის გაშვებას აპირებს
სანქცირებული სამთავრობო იმედის და პოსტვ-ის შემოსავლები მკვეთრად შემცირდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



