ფრაქცია „ერთიანი ნაციონალური მოძრაობის“ თავმჯდომარე რომან გოცირიძე რამდენიმე მიზეზს ასახელებს, რის გამოც მისი აზრით, ხელისუფლებას შინაგან საქმეთა მინისტრის, გიორგი გახარიას გადადგომა არ სურს.

დეპუტატის თქმით, ერთ-ერთი ასეთი მიზეზი ისაა, რომ ხელისუფლება გახარიას  შემცვლელს ვერ პოულობს.

„ასე კბილებით ჩაბღაუჭება გახარიას გადასარჩენად იმიტომ მიდის, რომ პირველი: -  პოლიტიკური პასუხისმგებლობის შემდეგ, აუცილებლად დადგება  სამართლებრივი პასუხისმგებლობის საკითხი  არა მარტო გახარიასი, არამედ ყველასი, ვინც იმ დღეს მონაწილეობდა და ბუნებრივია, ეს იქნებოდა დანაშაულის პირველი აღიარება;  მეორე: -  როგორც ჩანს, ივანიშვილისთვის ძალიან ძნელია მეორე გახარიას მოძებნა.  როდესაც გემი იძირება, არავინ ცოცხალი თავით იქ ასვლას არ გადაწყვეტს და მეორე გახარიობას  ვერავინ ვერ აიღებს საკუთარ თავზე. მითუმეტეს,  მათ დაინახეს რა ბედი ეწევა ადამიანს, რომელიც ივანიშვილის ხელში  პაიკია და დღეს პაიკობა არავის უნდა.  ბუნებრივია, რომ ივანიშვილი არის საგონებელში.  მეორეს მხრივ, პირდაპირ რუსული კვალი იკვეთება, რომ გახარიას გადაყენება  კიდევ ერთი გამაღიზიანებელი ფაქტორი იქნება რუსეთისათვის, რომელიც დღეს უკვე საქართველოს მთავრობას ბოდიშის მოხდას ავალებს. ფაქტია, რომ რუსეთის მხრიდან არის უკმაყოფილება ივანიშვილის მიმართ, რომელმაც  არ გაუმართლა ამ დღეებში იმედები და ფაქტობრივად, სჯიან ივანიშვილს“, - განაცხადა რომან გოცირიძემ.

ავტორი: ექსპრესნიუსი,

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები