„დროულად უნდა დაიწყოს გამოძიება იმასთან დაკავშირებით, თუ რა ხდებოდა 20 ივნისის ღამეს“, - ამის შესახებ „ქართული ოცნების“ გენერალურმა მდივანმა კახა კალაძემ საკონსტიტუციო ინიციატივის „პროპორციული არჩევნები 2020“ პრეზენტაციის დასრულების შემდეგ განაცხადა.

როგორც კალაძემ აღნიშნა, ყველა უნდა დაისაჯოს, ვინც პარლამენტის შენობაზე თავდასხმაში იღებდა მონაწილეობას.

“პირველი, რაც გიორგი გახარიამ უნდა გააკეთოს, რაც ყველაზე მნიშვნელოვანია, ის არის, რომ დროულად მოხდეს გამოძიება იმ ფაქტთან დაკავშირებით თუ რა ხდებოდა 20 ივნისის ღამეს, თუ როგორ ხდებოდა მოწოდებები და როგორ იყო ინიცირებული პარლამენტის შენობაზე თავდასხმა. ეს იყო ძალიან მძიმე და რა თქმა უნდა, ყველა უნდა დაისაჯოს, ვინც ამ პროცესში მონაწილეობა მიიღო. ჩვენ ერთხელ და სამუდამოდ უნდა დავამთავროთ ხელისუფლების ცვლილება გადატრიალებით, დამხობით და სამოქალაქო დაპირისპირებებით იმიტომ, რომ ამას ცუდის მეტი ჩვენი ქვეყნისთვის არაფერი მოუტანია. შესაბამისად, მნიშვნელოვანია, რომ ამას აუცილებლად მოჰყვეს დროული გამოძიება და ასევე, დროული გამოძიება უნდა მოჰყვეს იმ კონკრეტულ გადაცდომებს, რაც ხდებოდა“, - განაცხადა კახა კალაძემ.  

ავტორი: ექსპრესნიუსი,

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები