საპარლამენტო უმრავლესობას, იმ დეპუტატებთან დაკავშირებით, რომლებმაც ნიკა მელიასთვის სადეპუტატო იმუნიტეტის მოხსნას მხარი არ დაუჭირეს, არ უმსჯელია, - ამის შესახებ შეხვედრის დასრულების შემდეგ, „ქართული ოცნების“ წევრმა, გია ვოლსკიმ გააკეთა.

გია ვოლსკის თქმით, ამ დეპუტატების ქმედებებთან დაკავშირებით, მათ მხოლოდ გულდაწყვეტა გამოთქვეს.

„რაც შეეხება კოლეგებთან დაკავშირებით, არ გვქონია მსჯელობა, თუმცა, ყველამ გამოხატა გულდაწყვეტა იმასთან დაკავშირებით, რომ რეალურად ვერ გაიგეს, რა გადაწყვეტილება იდგა ჩვენს წინაშე. ეგ არ არის მარტო გუნდურობის თემა, რასაკვირველია, ეს არის დამოკიდებულება პროკურატურის მიმართ და დამოკიდებულება სასამართლოს მიმართ, რომელიც არ იმსახურებს როგორც ხედავთ იმ ეჭვებს, რომელიც შეიძლება გამოთქმული ყოფილიყო ადრე და იქ იყო ცალკეული თემები, პრემიერ-მინისტრმა გააკეთა მოკლე ინფორმაცია იმასთან დაკავშირებით, თუ რა ზომებს იღებს მთავრობა იმასთან დაკავშირებით, რომ ეს პროვოცირებული, ეს ჩემი შეფასებაა, ეკონომიკური სერიოზული პრობლემები იქნეს გადალახული,“ - განაცხადა გიორგი ვოლსკიმ.

ვოლსკის აზრით, ხსენებული დეპუტატები არასწორად მოიქცნენ, თუმცა ამის გამო მათი პასუხისმგებლობის საკითხის დაყენებას არასერიოზულად მიიჩნევს.

„მე არ ვთვლი, რომ ჩემი კოლეგები სწორად მოიქცნენ, თუნდაც სამი ადამიანი და მე არ ვთვლი, რომ ეს ის პერიოდია, ჩვენ ამ სერიოზულ ვითარებაში ვიმსჯელოთ ვინმეს პასუხისმგებლობასთან დაკავშირებით“, - ამბობს ვოლსკი.

ავტორი: ექსპრესნიუსი,

სოციალური ქსელები

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ