"ირაკლი კობახიძე გუნდს გადაეფარა, თუმცა სიტუაციის დეესკალაცია ვერ შეძლო. წასვლა ძალიან მარტივია, მაგრამ მინდა გაითვალისწინოთ - პოლიციას, როგორც ინსტიტუტს კანონი არ დაურღვევია",  - ასე უპასუხა შს მინისტრმა ჟურნალისტების კითხვას იმის თაობაზე, თუ რატომ არ იღებს შს მინისტრი პოლიტიკურ პასუხისმგებლობას 20 ივნისის აქციის დაშლაზე, თუკი ირაკლი კობახიძე გავრილოვის ვიზიტის გამო გადადგა.

„ასე ვთქვათ : ბატონმა ირაკლი კობახიძემ გადადგა ღირსეული ნაბიჯი და ეს ღირსეული ნაბიჯი მოჰყვა კონკრეტულ ქმედებებს. ჩვენ გვახსოვს როგორ დაიწყო ეს ყველაფერი: როდესაც რუსი დეპუტატი აღმოჩნდა საქართველოს პარლამენტის სხდომათა დარბაზში და მიუხედავად იმისა, რომ ირაკლი კობახიძეს ამ კონკრეტულ ქმედებაში არანაირი ფუნქცია არ ჰქონდა, და ის საერთოდ ქვეყანაში არ იმყოფებოდა, ამ ადამიანმა გადადგა ღირსეული ნაბიჯი. ფაქტობრივად ეს ადამიანი გადაეფარა გუნდს. ის პოლიტიკური ესკალაცია და ის რისკები, რაც შემდგომ შეიქმნა, მან აბსოლუტურად სწორად შეაფასა და გადაგა ღირსეული ნაბიჯი. სამწუხაროა, რომ ამ ნაბიჯმა სიტუაციის დეესკალაცია ვერ შეძლო, რადგან კონკრეტულმა პოლიტიკურმა ძალებმა სულ სხვა განზომილებაში გადაიტანეს ის ქმედება, რაც განხორციელდა საქართველოს პარლამენტში. რაც შემეხება მე- წასვლა პრობლემა არ არის , ეს ყველაზე მარტივია. ჩემს შემთხვევაში მინდა, რომ  ხაზი გავუსვა:  მშვიდობიანი აქციის სტანდარტს ნუ უყენებთ იმას, რაც 20 ივნისს სამწუხაროდ მოხდა თბილისში. ეს აქცია მშვიდობიანი 10 საათამდე იყო. 10 საათის შემდეგ, ამ აქციამ მიიღო აბსოლუტურად ძალადობრივი ხასიათი, კონკრეტული შტურმები განხორციელდა პოლიციაზე და პარლამენტზე.  პოლიცია ვალდებული იყო ემოქმედა. არ შეიძლება, რომ ამაში უწყება, სამინისტრო, პოლიცია, როგორც ინსტიტუტი დავადანაშაულოთ. მათ კანონი არ დაურღვევიათ“, - განაცხადა გიორგი გახარიამ.

ავტორი: ექსპრესნიუსი,

სოციალური ქსელები

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ