საქართველოს ვიცე-პრემიერი, რეგიონული განვითარებისა და ინფრასტრუქტურის მინისტრი, მაია ცქიტიშვილი შს მინისტრს გიორგი გახარიას სრულ მხარდაჭერას უდასტურებს.

ცქიტიშვილის განცხადებით, გიორგი გახარიას თანამდებობაზე ყოფნა გამოძიებას ხელს ვერ შეუშლის, რადგან მას მაღალი საზოგადოებრივი კონტროლის პირობებში, სახალხო დამცველის ჩართულობით აწარმოებს პროკურატურა და არა შინაგან საქმეთა სამინისტრო. 

„გამოძიებას აწარმოებს საქართველოს პროკურატურა. შინაგან საქმეთა სამინისტროს გენინსპექცია აწარმოებდა შიდა მოკვლევას, მაგრამ გამოძიებას ძალის გადამეტების შესაძლო ფაქტებთან დაკავშირებით,  საქართველოს პროკურატურა აწარმოებს. შინაგან საქმეთა მინისტრის ყოფნა არ ყოფნა არ განსაზღვრავს საქართველოს პროკურატურის მიერ, უდიდესი გამჭვირვალობით, სახალხო დამცველის ჩართულობით მიმდინარე გამოძიებას. მოწმეები არიან არა მხოლოდ პოლიციელები, არამედ უბრალო მოქალაქეები. ასევე, არის პირდაპირი ეთერის კადრები, კამერის ჩანაწერები, რომლებიც საშუალებას მისცემენ პროკურატურას, რომ დაადგინონ ამეტებდა თუ არა ძალას პოლიცია და ცალკეული შემთხვევები კვალიფიცირდება თუ არა ძალის გადამეტებად. გარდა ამისა, პროკურატურამ მოუწოდა საზოგადოებას, მოქალაქეებს, რომ მათ ხელში არსებული ნებისმიერი აუდიო-ვიდეო თუ ფოტო მტკიცებულება  მიეწოდებინათ პროკურატურისთვის. შესაბამისად, მე დარწმუნებული ვარ იმაში, რომ საზოგადოების ასეთი მაღალი ინტერესის პირობებში, ასევე სახალხო დამცველის ჩართულობის პირობებში, პროკურატურის მიერ ჩატარებული გამოძიების მიმართ არცერთი კითხვა არ იარსებებს. ასევე, ვადასტურებ, რომ უშუალოდ ხელისუფლება არის დაინტერესებული, რომ ყველა კითხვას პასუხი გაეცეს.“, - განაცხადა მაია ცქიტიშვილმა.

ავტორი: ექსპრესნიუსი,

სოციალური ქსელები

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ