„ეს არის პოლიტიკურად მოტივირებული, სამართლებრივი საფუძველი ამას არ გააჩნია. თუ ვინმემ იქ დანაშაული ჩაიდინა, ჩაიდინა ხელისუფლებამ “, - ასე შეაფასა „თავისუფალი დემოკრატების“ თავმჯდომარემ, შალვა შავგულიძემ „ერთიანი ნაციონალური მოძრაობის“ წევრის, ნიკა მელიას წინააღმდეგ სისხლის სამართლის პასუხიმგებლობის აღძვრის საკითხი.

შავგულიძე არ გამორიცხავს, რომ ხელისუფლებამ გადაათამაშოს და სასამართლოს კარგად წარმოჩენის მიზნით, ნიკა მელიას პატიმრობა არ შეეფარდოს.

„რა თქმა უნდა, ეს არის პოლიტიკურად მოტივირებული, სამართლებრივი საფუძველი ამას არ გააჩნია, ჯერ თავად ფაქტი არ არსებულა იქ ამ დანაშაულის შემადგენლობის და არცერთი დანაშაულის შემადგენლობის არათუ მელიას მოქმედებებში, არამედ არავის მოქმედებებში, იმ საპროტესტო აქციის მონაწილეებს ვგულისხმობ. თუ ვინმემ იქ დანაშაული ჩაიდინა, ხელისუფლებამ ჩაიდინა. თავად იმ გამოსვლაში, როდესაც პროკურატურის წარმომადგენელი ცდილობდა დაესაბუთებინა, იმ მინიმალურ სტანდარტსაც კი ვერ აკმაყოფილებდა, რომ ზეპირად მაინც ეთქვა, თუ რა მტკიცებულებებს შეიძლება ეყრდნობოდეს ეს მოთხოვნა. მე არ გამოვრიცხავ, რომ ხელისუფლებამ გადაათამაშოს, სასამართლო წარმოაჩინოს კარგად, ეს მას სჭირდება, ვინაიდან ამ საგაზაფხულო სესიის რიგგარეშე სხდომებზე სურს მურუსიძის სია დამტკიცოს უზენაეს სასამართლოში და ნიკა მელიას არ შეუფარდოს პატიმრობა, მაგრამ გამოიყენოს ისეთი შემზღუდავი აღკვეთის ღონისძიება, შინაპატიმრობა, აუკრძალოს კონკრეტულ პირებთან კომუნიკაცია და ა.შ. მაგრამ ნებისმიერი გადაწყვეტილება იქნება მხოლოდ პოლიტიკურად მოტივირებული,“ - განაცხადა შავგულიძემ "რუსთავი 2"-თან საუბარში. 

შავგულიძე აღნიშნავს, რომ 20-21 ივნისს აქციაზე განვითარებულ მოვლენებში მთავარი პოლიტიკური პასუხისმგებლობა ხელისუფლებას და, კონკრეტულად, შს მინისტრს, გიორგი გახარიას ეკისრება.

ავტორი: ექსპრესნიუსი,

სოციალური ქსელები

თიბისის მხარდაჭერით, ვაზიანში 13 მზის ელექტროსადგური ამოქმედდა

Bloomberg: ტრამპმა შეწყვიტა რუსეთის ბრძოლის ველზე გამარჯვების რწმენა

ექსპრეს ლომბარდის სტანდარტი: ნივთის შეფასება სერტიფიცირებული ექსპერტების მიერ

FT: ევროკავშირი რუსეთის მიერ იმპორტის აკრძალვის შემდეგ სომხეთისთვის საგანგებო სავაჭრო დახმარების ზომებს ამზადებს