|
2019-06-13 18:49:09, 1543 ნახვა
ეკონომიკა
თურნავა: აშშ-სთან თავისუფალი ვაჭრობის ხელშეკრულება ეკონომიკური თანამშრომლობის გაღრმავების საუკეთესო გზაა
„აშშ-სთან თავისუფალი ვაჭრობის ხელშეკრულება ჩვენი ორმხრივი ვაჭრობისა და ეკონომიკური თანამშრომლობის გაღრმავების საუკეთესო გზაა", - განაცხადა ეკონომიკისა და მდგრადი განვითარების მინისტრმა ნათია თურნავამ აშშ-საქართველოს სტრატეგიული პარტნიორობის მე-3 კონფერენციაზე გამოსვლისას, რომლის ერთ-ერთი სესიის სახელწოდება იყო: „ვაჭრობა და კომერცია: რეგიონალური ჰაბი ეკონომიკური ზრდისთვის". კონფერენციის ორგანიზებაში მონაწილეობა მიიღეს აშშ-ის მშვიდობის ინსტიტუტმა (United States Institute of Peace), ჰერითეიჯ ფაუნდეიშენმა (Heritage Foundation ) და საქართველოს საელჩომ აშშ-ში. ეკონომიკისა და მდგრადი განვითარების მინისტრმა ნათია თურნავამ გამოსვლისას საქართველოს ეკონომიკურ ტენდენციებსა და საინვესტიციო შესაძლებლობებზე გაამახვილა ყურადღება. მისი თქმით, საქართველო პატარა, მაგრამ მიმზიდველი ქვეყანაა საერთაშორისო ვაჭრობისა და ინვესტიციებისთვის ღია ბაზრის, ლიბერალური ეკონომიკისა და სტრატეგიული მდებარეობის გამო. მინისტრმა აქცენტი გააკეთა თავისუფალი ვაჭრობის შეთანხმების გაფორმების მნიშვნელობაზე აშშ-სთან, როგორც ქვეყნის სტრატეგიულ პარტნიორთან. მისი თქმით, აშშ საქართველოს ძირითადი სტრატეგიული მოკავშირეა და, ამდენად, საქართველოს ხელისუფლება უდიდეს მნიშვნელობას ანიჭებს მაღალი დონის დიალოგს ვაჭრობისა და ინვესტიციების შესახებ (HLTID) და დაინტერესებულია უახლოეს მომავალში შემდეგი შეხვედრის ჩატარებით. ნათია თურნავამ ყურადღება გაამახვილა ორმხრივი სავაჭრო ურთიერთობების მზარდ დინამიკაზე და განაცხადა, რომ 2018 წელს სავაჭრო ბრუნვა საქართველოსა და აშშ-ს შორის 33 პროცენტით გაიზარდა და დაახლოებით 520 მლნ აშშ დოლარი შეადგინა. მინისტრის თქმით, აღნიშნული დინამიკის მიუხედავად, ეს არ არის საკმარისი. „ჩვენ დაინტერესებული ვართ, რომ მაქსიმალურად გამოვიყენოთ აშშ-სთან არსებული პოტენციალი ვაჭრობის, ინვესტიციების და ა.შ. მიმართულებებით," - აღნიშნა მინისტრმა. „დარწმუნებული ვარ, რომ აშშ-სთან თავისუფალი ვაჭრობის ხელშეკრულება ჩვენი ორმხრივი ვაჭრობისა და ეკონომიკური თანამშრომლობის გაღრმავების საუკეთესო გზაა. ეს იქნება ჩვენი რეგიონის აშშ-ს მზარდი ეკონომიკური ინტერესების მკაფიო სიგნალი და ასევე, მხარდაჭერის სიგნალი საქართველოს ევროატლანტიკური ინტეგრაციის მისწრაფებების, მისი ეკონომიკური განვითარების და სავაჭრო დივერსიფიკაციის საჭიროებების თვალსაზრისით," - განაცხადა ეკონომიკისა და მდგრადი განვითარების მინისტრმა ნათია თურნავამ.
(NS)
სანქცირებული სამთავრობო იმედის და პოსტვ-ის შემოსავლები მკვეთრად შემცირდა
გვარამია- ლეგიტიმურობა-არალეგიტიმურობის საკითხი არარელევანტურია პარტიების გაუქმებასთან
ბიბილაშვილი - კითხვა ხელისუფლების ლეგიტიმურობის აღიარებასთან დაკავშირებით მახეა
ქობულეთის პოლიციაში ძალადობის საქმეზე სამ პოლიციელს 6-6 წლით პატიმრობა მიესაჯათ
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



