|
2019-06-10 18:31:44, 2188 ნახვა
ეკონომიკა
ნათია თურნავა: ქალები საქართველოს ეკონომიკური განვითარების ერთ-ერთ გამწევ ძალას წარმოადგენენ
ეკონომიკისა და მდგრადი განვითარების მინისტრი ნათია თურნავა ბიზნესგაერთიანების „ქალები მომავლისთვის" წევრებს შეხვდა, რომლებიც, ძირითადად, მცირე და საშუალო ბიზნესს წარმოადგენდნენ. ნათია თურნავასთან ერთად, მათ შეკითხვებს ეკონომიკისა და მდგრადი განვითარების მინისტრის მოადგილე ეკატერინე მიქაბაძე, სსიპ ტურიზმის ეროვნული ადმინისტრაციის ხელმძღვანელი მარიამ ქვრივიშვილი და სააგენტოს „აწარმოე საქართველოში" დირექტორის მოადგილე თორნიკე ზირაქიშვილი პასუხობდნენ. შეხვედრაზე საუბარი წარიმართა ეკონომიკის სამინისტროს უახლოეს პრიორიტეტებზე, მიმდინარე და დაგეგმილ რეფორმებსა და ბიზნესის მხარდაჭერის პროგრამებზე. შეხვედრის მონაწილე საქმიანი ქალბატონები განსაკუთრებით დააინტერესა სამინისტროს პროაქტიულმა საინვესტიციო პოლიტიკამ, რომელიც პოტენციური ინვესტორების „ერთი ფანჯრის" პრინციპით მომსახურებას ითვალისწინებს. ასევე ყურადღება გამახვილდა ბიზნეს სახლის პროექტზე, რომელიც ბიზნესისთვის სახელმწიფო სერვისების ვირტუალურ მიწოდებას გულისხმობს. მინისტრის მხრიდან გაკეთებული მოკლე პრეზენტაციის შემდეგ, ნათია თურნავამ დარბაზის შეკითხვებს უპასუხა. შეხვედრის შემდეგ გაკეთებულ კომენტარში ეკონომიკისა და მდგრადი განვითარების მინისტრმა ნათია თურნავამ დიდი მნიშვნელობა მიანიჭა კომუნიკაციის გაღრმავებას ისეთ ბიზნესორგანიზაციებთან, როგორიცაა „ქალები მომავლისთვის", სადაც კომპანიების მფლობელები და მაღალი რანგის მენეჯერი, აგრეთვე მცირე და საშუალო ბიზნესში დასაქმებული ქალები არიან გაერთიანებული. „ქალები საქართველოს ეკონომიკური განვითარების ერთ-ერთ გამწევ ძალას წარმოადგენენ. დღეს ჩვენ ვიმსჯელეთ ბევრ საკითხზე, მათ შორის, იმ გამოწვევებზე, რომლის წინაშეც დგას დღეს ბიზნესი. ასევე მოვუყევით ახალი ინიციატივების შესახებ, მათ შორის, რას ვგეგმავთ ფინანსებზე ხელმისაწვდომობის, ასევე ადგილობრივი ქართული წარმოების ხელშეწყობისთვის. ასეთი ტიპის შეხვედრებს მომავალშიც გავაგრძელებთ“, - განაცხადა ეკონომიკისა და მდგრადი განვითარების მინისტრმა ნათია თურნავამ.
(NS)
სანქცირებული სამთავრობო იმედის და პოსტვ-ის შემოსავლები მკვეთრად შემცირდა
გვარამია- ლეგიტიმურობა-არალეგიტიმურობის საკითხი არარელევანტურია პარტიების გაუქმებასთან
ბიბილაშვილი - კითხვა ხელისუფლების ლეგიტიმურობის აღიარებასთან დაკავშირებით მახეა
ქობულეთის პოლიციაში ძალადობის საქმეზე სამ პოლიციელს 6-6 წლით პატიმრობა მიესაჯათ
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



