რამ მიგიყვანა იქ აღსარების სათქმელად, ვარლამის გზა არ მიგიყვანთ ეკლესიამდე, დადექით იმ გზაზე, რომელიც ეკლესიასთან მიგიყვანთ, – ასე მიმართა მთაწმინდის საარჩევნო ოლქში „ქართული ოცნება-დემოკრატიული საქართველოს“ კანდიდატმა, ლადო კახაძემ საქართველოს პირველი არხის გადაცემაში „საარჩევნო დებატები“ „ევროპული საქართველო – თავისუფალი დემოკრატების“ კანდიდატ შალვა შავგულიძეს.

„აი, თქვენს ​​თვალსაწიერზე ჩაიარა ამ ერთმა საათმა. ნახეთ, ვინ როგორ ლაპარაკობს, დაწერილი და დაშტამპული ტექსტებით, უმაღლესი განათლების მქონე ადამიანი, რომელსაც აქვს თავის პოტენციალი, უნდა იმახსოვრებდეს ყველაფერს და ბევრი რამ არ ახსოვს.

მან თქვა, რომ ლადო კახაძე არ ამბობს, რომ გაძვირდა დოლარიო. ლადო კახაძემ უარესი გითხრათ, რომ გაძვირდება და კიდევ შეიძლება გაძვირდეს, პანიკა და აჟიოტაჟი, რომელიც პოლიტიკურ ისტებლიშმენტს სჭირდება თქვენსას, აღარ განმეორდება. ხალხი არ აგყვებათ, ხომ ხედავთ, არ წამოგყვათ ასეთ თემებზე, ისევე როგორც სამართალს საქართველოში იპოვით, სარალიძემ როცა თქვა, რომ სიმართლისაკენ დაიწყო სვლა, გამოხტა თქვენი ერთ-ერთი ჟურნალისტი, თუ არ ვიცი, ვინ არის და თქვა, გეტყვით ვინ არის სარალიძეო, გაგიშიფრავთ მის ცხოვრებასო. მოსმენები, დასმენები, ვისი მოგონილია?! ჩვენ სიკვდილით დასჯა გავაუქმეთ, თორემ ციხეებში სიკვდილით დასჯა ჰქონდა ზუსტად იმ სისტემას, სადაც სამართლის აღდგენას ჰპირდები ხალხს, ჩემო შალვა. ნუ იტყუები, არ შეიძლება, სავლე პავლედ იქცეს. ეს ერთხელ იყო და მეტი არ მოხდება.

ტუბერკულიოზი თავის სახეს არ გამოიცვლის და მინდა, ჩემს მოსახლეობას ვუთხრა, ჩემს ძმებს, ოჯახის წევრებს, დებს, შვილებს, შვილიშვილებს, დიახ, მოდით 9-ში. გეხვეწებით, მოდით, რადგან ეს ჩვენი ურთიერთობების აღსადგენად და განსამტკიცებლად არის საჭირო. იმიტომ რომ თქვენში არსებული ღირსება გამოვიყენოთ იმ ძალის ბოლომდე დასამარცხებლად, რომელიც ცუდს გვიქადის. გენიალური თენგიზ აბულაძის „მონანიებაში“ ხომ გახსოვთ ასეთი ფრაგმენტი, როდესაც თევზს ჭამს და აბელი მიდის ვარლამთან და აღსარებას ეუბნება: ბიჭო, კარგად შემომხედე, ვისთან მოხვედი, ვერ ხედავ? ეშმაკთან აღსარების სათქმელად მოხვედიო?! რამ მიგიყვანა იქ აღსარების სათქმელად, ჩემო ძვირფასო. ვარლამის გზა არ მიგიყვანთ ეკლესიამდე და არ დადგეთ ამ გზაზე, დადექით იმ გზაზე, რომელიც ეკლესიასთან მიგიყვანთ“,- განაცხადა ლადო კახაძემ.

(NS)

ავტორი: ექსპრესნიუსი,

სოციალური ქსელები

GITA-ს ორგანიზებით და ბაზისბანკის მხარდაჭერით ზუგდიდის ტექნოპარკში აგრო-ჰაკათონი AgriHack 2026 გაიმართა

თურქეთი ერთიან ევროგადახდების სივრცეში გაწევრიანებას გეგმავს

1000 დღე ომის დაწყებიდან - თელ-ავივში მრავალათასიანი აქცია გაიმართა

საქართველოს ბანკის YouTube პროექტი „Creator ჩემპიონატი” გრძელდება - არ გამოგრჩეთ მეორე ეპიზოდი