„ქართული ოცნების“ ხელისუფლება და მასთან კორუფციულ გარიგებაში მყოფი ე.წ. მოსამართლე წევრთა „კლანი“ ჩქარობენ, რომ სწრაფად დააკომლექტონ კონტროლირებადი მოსამართლეებით უზენაესი სასამართლო“, - ამის შესახებ ბლოკის „ევროპული საქართველო - თავისუფალი დემოკრატების“  მთაწმინდის მაჟორიტარი დეპუტატობის კანდიდატმა, შალვა შავგულიძემ დღეს გამართულ ბრიგინგზე განაცხადა.

როგორც მან აღნიშნა, იუსტიციის უმაღლესმა საბჭომ არ გაითვალისწინა რეკომენდაცია, რომელიც უზენაესი სასამართლოს ნაწილობრივ დაკომპლექტებას შეეხებოდა.

„იუსტიციის უმაღლესმა საბჭომ ყურად არ იღო ვენეციის კომისიის რეკომენდაცია იმასთან დაკავშრებით, რომ იუსტიციის ამ საბჭოს, რომლის მიმართაც საზოგადოებას აქვს მეტად დაბალი ხარისხის ნდობა და ამ მოწვევის საპარლამენტო უმრავლესობას სრულად არ დაეკომპლექტებინა უზენაესი სასამართლო. ამ რეკომენდაციის საწინაღმდეგოდ იუსტიციის საბჭომ გამოაცხადა კონკურსი უზენაესი სასამართლოს ყველა - 20 ვაკანსიაზე. „ქართული ოცნების“ ხელისუფლება და მასთან კორუფციულ გარიგებაში მყოფი ე.წ. მოსამართლე წევრთა კლანი იუსტიციის საბჭოში გაბატონებული, ჩქარობენ, რომ რაც შეიძლება, სწრაფად სრულად დააკომლექტონ „ქართული ოცნებისგან“ მართვადი და კონტროლირებადი მოსამართლეებით უზენაესი სასამართლო“, - განაცხადა შალვა შავგულიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აქტივისტი სერგი ყანჩაველი - ფიზიკური თუ სიტყვიერი შეურაცხყოფის და ასევე სქესობრივი იძულების კვალდაკვალ მიხსენიებდნენ აკაცუკად

ირაკლი კობახიძე ირაკლი ღარიბაშვილის გზავნილებს ქვეყნის იზოლაციაზე ნაცურს უწოდებს

სარჯველაძე: 35 000-მდე ოჯახს შეუწყდა საარსებო შემწეობა, უმრავლესობის მდგომარეობა გაუმჯობესდა

საია: ადვოკატს არ მისცეს დავითაძესთან შეხვედრისას გაკეთებული ჩანაწერების გატანის უფლება