ქუთაისის საკრებულოში „ქართული ოცნების“ წარმომადგენელმა და ფრაქციის თავმჯდომარემ ნანა კოსტავამ დაკავებული თანამდებობა დატოვა - ამის შესახებ ინფორმაცია ქუთაისის მუნიციპალიტეტის საკრებულოს Facebook-ის გვერდზე გამოქვეყნდა.

ნანა კოსტავას გადადგომას ქუთაისის საკრებულოსთან შეკრებილი მოქალაქეები ითხოვდნენ, რომლებიც ბლოგერი სალომე ბარკერის ვიდეოზე კოსტავას ცინიკური კომენტარების გამო იყვნენ აღშფოთებულნი, რომელიც დროში ბარკერის 16 წლის დის გარდაცვალებას დაემთხვა.

„ქუთაისის მუნიციპალიტეტის საკრებულოს ფრაქცია „ ქართული ოცნება- კონსერვატორების“ წევრებისა და პოლიტიკური გუნდის გადაწყვეტილებით, ნანა კოსტავამ დაკავებული თანამდებობა დატოვა. ფრაქცია „ქართული ოცნება-კონსერვატორების“ თავმჯდომარის გადადგომასთან დაკავშირებით გადაწყვეტილება ფრაქციის წევრებმა დღეს (31.05.2019) გამართულ სხდომაზე მიიღეს. ფრაქციას დღეიდან ძელქვიანის მაჟორიტარი დეპუტატი ნიკოლოზ ჩეჩელაშვილი უხელმძღვანელებს“, - ნათქვამია განცხადებაში.

შეგახსენებთ, რომ ბლოგერ სალომე ბარკერის 16 წლის და რამდენიმე დრის წინ ლაგოდეხის ნაკრძალში ექსკურსიის დროს გარდაიცვალა. ის დინებამ გაიტაცა და მოზარდი რამდენიმე საათის შემდეგ გარდაცვლილი იპოვეს.

ავტორი: ექსპრესნიუსი,

სოციალური ქსელები

აქტივისტი სერგი ყანჩაველი - ფიზიკური თუ სიტყვიერი შეურაცხყოფის და ასევე სქესობრივი იძულების კვალდაკვალ მიხსენიებდნენ აკაცუკად

ირაკლი კობახიძე ირაკლი ღარიბაშვილის გზავნილებს ქვეყნის იზოლაციაზე ნაცურს უწოდებს

სარჯველაძე: 35 000-მდე ოჯახს შეუწყდა საარსებო შემწეობა, უმრავლესობის მდგომარეობა გაუმჯობესდა

საია: ადვოკატს არ მისცეს დავითაძესთან შეხვედრისას გაკეთებული ჩანაწერების გატანის უფლება