ჩვენი სტუდენტები და ახალგაზრდები, რომლებიც განათლების მისაღებად ევროპულ საუკეთესო უნივერსიტეტებში მიდიოდნენ, შეძლებენ, სამშობლოში მიიღონ ასეთივე უმაღლესი, ევროპული ხარისხის განათლება, - ამის შესახებ  პრემიერ-მინისტრმა მამუკა ბახტაძემ ტელეკომპანია „იმედის ეთერში" ევროპის განათლების ხარისხის უზრუნველყოფის სააგენტოების ასოციაციაში(ENQA) საქართველოს გაწევრიანების შეფასებისას განაცხადა.

მამუკა ბახტაძემ აღნიშნულ გადაწყვეტილებას ისტორიული უწოდა და აღნიშნა, რომ ეს ქართული დიპლომების ევროპაში აღიარებას ნიშნავს.

პრემიერის განმარტებით, მთავრობის სტრატეგიაში სწორედ განათლებაა ნომერ პირველი პრიორიტეტი, რაც ემსახურება მიზანს, რომ საქართველომ  რეგიონში განათლების კერის სტატუსი უნდა დაიბრუნოს.

„რა თქმა უნდა ეს არის პოლიტიკური წარმატება, ეს არის წარმატება ჩვენს საერთაშორისო პოლიტიკაში, ვინაიდან ეს არის ევროინტეგრაციის გზაზე გადადგმული ერთ-ერთი პრინციპული ნაბიჯი ისეთი მნიშვნელოვანი მიმართულებით, როგორიცაა განათლება. ჩვენი სახელმწიფობერივი სტრატეგია არის ის, რომ საქართველო გადავაქციოთ რეგიონის ცენტრად. ბუნებრივია, ამ სტრატეგიაში ძალიან მნიშვნელოვანი ნაწილი  სწორედ განათლებას ეთმობა. ჩვენ უნდა დავიბრუნოთ განათლების კერის სტატუსი მთელი რეგიონისთვის", - განაცხადა პრემიერ-მინისტრმა.

ავტორი: ექსპრესნიუსი,

სოციალური ქსელები

შეერთებულმა შტატებმა ოფიციალურად მოითხოვა, რომ რუსეთმა შავი ჭირის კვლევის ცენტრის თანამშრომლის გარდაცვალების დეტალები მიაწოდოს

ირაკლი კობახიძე -ჩვენი გეგმის მიხედვით, პირველი გემები ანაკლიაში 2029 წელს უნდა შემოვიდეს

თიბისის მხარდაჭერით ემიგრანტებისთვის ვარშავაში „თბილისობა“ გაიმართა

კობახიძე - ეკონომიკურ ზრდასთან დაკავშირებით მსოფლიო ბანკის განახლებული პროგნოზი გაიზარდა 7%-მდე, 2 პროცენტული პუნქტით