შინაგან საქმეთა მინისტრის მოადგილე ნათია მეზვრიშვილი გურჯაანის რაიონის სასამართლოსთან ქალი პოლიციელების ყოფნასთან დაკავშირებით ოპოზიციისა და ზოგიერთი არასამთავრობო ორგანიზაციის განცხადებას ეხმაურება.

როგორც მეზვრიშვილმა აღნიშნა, ამ საკითხით აპელირება პოლიციაში ქალის როლს აკნინებს.

""შსს-ში საკმაოდ მაღალ თანამდებობებს ქალები იკავებენ, მათ შორის მინისტრის ორი მოადგილე ქალია. ეს მიუთითებს ამ საკითხის პრიორიტეტულობაზე. ამ საკითხზე აპელირება აკნინებს ქალის როლს პოლიციაში, რადგან მათ ისევე კარგად შეუძლიათ მართლწესრიგის დაცვა და საპოლიციო ფუნქციების შესრულება, როგორც კაცებს. თუ გავითვალისწინებთ ბოლო პერიოდში განვითარებულ მოვლენებს, რა რაოდენობის პოლიციაც მივიჩნიეთ საჭიროდ იმისთვის, რომ მართლწესრიგი დაგვეცვა, იმ რაოდენობის პოლიცია მივიყვანეთ გურჯაანში. რაც შეეხება ქალების ყოფნას, ვფიქრობ, რომ ამ საკითხზე აპელირება აკნინებს ქალის როლს პოლიციაში, იმიტომ, რომ მათ ისევე კარგად შეუძლიათ მართლწესრიგის დაცვა და საპოლიციო ფუნქციის შესრულება, როგორც კაცებს და ასეთი დამოკიდებულება ჩემთვის პირადად მიუღებელია. რაც შეეხება მეორე შეკითხვას, რომელიც ასევე მოვისმინე, იყო თუ არა ეს შეგნებულად გაკეთებული, არ ვიცი, ვერ გეტყვით, დილიდან კონფერენციაზე ვიმყოფები, ეს თუ არ იყო უბრალოდ დამთხვევა, იმიტომ რომ კიდევ უფრო მეტი პოლიციელი ქალი მუშაობს კახეთში, ეს თუ არ იყო დამთხვევა და ამის მიღმა რაღაც სექსისტური მოტივაცია იყო, რაზეც ზოგიერთები მიუთითებენ, ამ საკითხით პირადად მე დავინტერესდები", - განაცხადა მინისტრის მოადგილემ. 

ავტორი: ,

სოციალური ქსელები

კობახიძე -რაც არ უნდა შეამცირო გადასახადი, ეს რადიკალურად ვერ აისახება საწვავის ფასზე

"საუკეთესო ავტოგაქირავების კომპანია აღმოსავლეთ ევროპაში" - Europcar Georgia World Luxury Travel Awards-ის გამარჯვებული მეოთხედ გახდა

XC60 - 110 000 ლარად, XC90 - 145 000 ლარად - „ვოლვო ქარ საქართველოს“ უპრეცედენტო შეთავაზება ფლაგმან მოდელებზე

ამანათების გამოგზავნა ამერიკიდან საქართველოში სპეციალური ტარიფით - საქართველოს ბანკისა და Boxette-ის შეთავაზება