ზემო ფონიჭალაში N23 საცხოვრებელი კორპუსის დაზიანების ხარისხისა და შენობის ტექნიკური მდგომარეობის დადგენის მიზნით, ამ დროისთვის საექსპერტო სამუშაოები მიმდინარეობს., - ამის შესახებ თბილისის მერის მოადგილე ირაკლი ბენდელიანმა განაცხადა.

მისი თქმით, აფეთქების ადგილზე შესაბამის სამუშაოებს თბილისის მუნიციპალური ლაბორატორიის წარმომადგენლები, შინაგან საქმეთა სამინისტროს შესაბამისი დანაყოფები, ასევე ლევან სამხარაულის სახელობის სასამართლო ექსპერტიზის ეროვნული ბიუროს სპეციალისტები ატარებენ.

„როგორც იცით, აფეთქებიდან რამდენიმე წუთში, კორპუსს ყველანაირი კომუნიკაცია შეუწყდა, თუმცა დღის ბოლომდე ელექტროენერგიისა და ბუნებრივი აირის მიწოდება აღუდგათ. დღესვე, მუშაობას დაიწყებს კომპანია „ჯორჯიან უოთერ ენდ ფაუერი“ და წყალმომარაგებაც უახლოეს პერიოდში აღდგება“, - განაცხადა ირაკლი ბენდელიანმა. 

თბილისის მერის მოადგილის ირაკლი ბენდელიანის თქმით, როგორც კი დასრულდება შესაბამისი საგამოძიებო პროცედურები და მომზადდება ექსპერტიზის საბოლოო დასკვნა, თბილისის მერია დაზიანებული კორპუსის აღდგენით სამუშაოებს დაიწყებს.

„სანამ ყველა რისკი არ იქნება თავიდან აცილებული და სანამ არ  დავრწმუნდებით, რომ ეს კორპუსი არის საცხოვრებლად უსაფრთხო, იქამდე მოსახლეობა დარჩება დროებით საცხოვრებლებში“, - განაცხადა ირაკლი ბენდელიანმა.

დაზიანებული კორპუსის მცხოვრებლები გუშინვე კრწანისის რაიონის გამგეობამ დროებითი საცხოვრებლით უზრუნველყო და სხვადასხვა სასტუმროებში გადაანაწილა.

(NS)

ავტორი: ,

სოციალური ქსელები

ჟაპორეჟიაში რუსულა ავიაბომბამ რვა ადამიანის სიცოცხლე იმსხვერპლა აქედან 3 ბავშვია

აშშ უკრაინას დაზვერვის შეწყვეტით დაემუქრა, რუსეთის ნავთობგადამამუშავებელ ქარხნებზე თავდასხმების გამო - Axios

პროკურატურა - მსჯავრდებულ გიორგი დავითაძის მიმართ შესაძლო სექსუალური ძალადობის ფაქტზე მიმდინარე გამოძიება დასრულდა და დადგინდა, რომ მის მიმართ რაიმე სახის ძალადობას და დანაშაულებრივ ქმედებას ადგილი არ ჰქონია

უკრაინის შეიარაღებულმა ძალებმა დონის როსტოვში ნავთობტერმინალზე თავდასხმა განახორციელეს - 6 ადამიანი დაიჭრა