იურიდიულ საკითხთა კომიტეტის თავმჯდომარე ეკა ბესელია მტავარი პროკურორის ოთარ ფარცხალაძისთვის ბრალის წარდგენის ფაქტს არჩევნებს არ უკავშირებს.

როგორც ბესელიამ აღნიშნა, გამოძიება საკუთარი სტანდარტების მიხედვით მოქმედებს.

„მე არ ვიცი დეტალები. ჩვენ ველოდებით პროკურატურა გაასაჯაროებს ინფორმაციას, რომელიც იქნება უკვე საფუძველი,რომ ვნახოთ კონკრეტულად რა ბრალდებაზეა საუბარი. სხვა დეტალები ჯერჯერობით ჩემთვის ცნობილი არ არის. თავისთავად მნიშვნელოვანი ფაქტია რეაგირების ფაქტი და კიდევ ერთხელ ვამბობ, მუდმივად ხდება ხოლმე საარჩევო კალენდართან დაკავშირება, მაგრამ საარჩევნო კალენდრის მიუხედავად გამოძიებას აქვს ვალდებულება მოახდინოს რეაგირება მაშინ და იმ მტკიცებულებებზე დაყრდნობით, რაც საფუძველს აძლევს მიიღოს საპროცესო გადაწყვეტილება", - განაცხადა ეკა ბესელიამ.

ცნობისთვის, საქართველოს ყოფილ მთავარ პროკურორს, ოთარ ფარცხალაძეს ბრალი გუშინ წარედგინა. ადვოკატის ინფორმაციით, მას სსკ-ის 126-ე მუხლს ედავებიან, რაც ცემას გულისხმობს. კერძოდ, ოთარ ფარცხალაძესა და ყოფილ გენერალურ აუდიტორ ლაშა თორდიას შორის ფიზიკური დაპირისპირება 2017 წლის 12 მაისს მოხდა, რა დროსაც თორდიამ ფიზიკური დაზიანებები მიიღო. ფარცხალაძის სასამართლო პროცესი გუშინ ბრალის წარდგენის შემდეგ გაიმართა და მას 5000-ლარიანი გირაო შეეფარდა. 

ავტორი: ,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო