პარლამენტის ვიცე-სპიკერმა გია ვოლსკიმ იუსტიციის მინისტრის თეა წულუკიანის კოპენჰაგენის საერთაშორისო ანტიკორუფციულ კონფერენციაზე გაკეთებული განცხადებები შეაფასა, რა დროსაც მინისტრმა "საერთაშორისო გამჭვირვალობა-საქართველო" გააკრიტიკა. 

ვოლსკის თქმით, თეა წულუკიანი ვალდებულია პასუხი გასცეს კითხვებს, თუმცა მიდგომა თითქოს ხელისუფლებამ არასამთავრობო სექტორს თავი უნდა დაუხაროს, არასწორია.

"საერთოდ, სასიამოვნო არ არის, როცა გიწევს ასეთი განცხადების გაკეთება, თუმცა მე ამას ვერ დავარქმევდი განცხადებას. მე დავარქმევდი ამას - პასუხს. რეალობა არის სხვაგვარი. არის საერთაშორისო სავაჭრო პალატის გადაწყვეტილება, რომ საქართველოში გახსნას საერთაშორისო საარბიტრაჟო სასამართლო - ეს აჩვენებს მსოფლიოს დამოკიდებულებას იმ საკითხების მიმართ, რაზეც ჩვენ ახლა ვდაობთ. აქედან გამომდინარე, ანალიზის დროს არასამთავრობო ორგანიზაცია აკეთებს წინაპირობას, დასკვნას, ხოლო როდესაც ასე უაპელაციოდ, წამოძახებით აკეთებ განცხადებას, ეს ნიშნავს, რომ პოლიტიკურ პლატფორმაზე დგახარ, აქედან გამომდინარე თეა წულუკიანი, როგორც ყოველი ჩვენგანი ვალდებულია, რომ რაღაც პასუხი გასცეს. იმიტომ, რომ ჯერ ერთი - საერთაშორისო ფორუმია, მეორეც - ეს წესი, რომ თავი უნდა დახარო, როდესაც არასამთავრობო ორგანიზაცია მუშტებს გიბრახუნებს, არასწორია", - განაცხადა გია ვოლსკიმ.

შეგახსენებთ, რომ საქართველოს იუსტიციის მინისტრმა თეა წულუკიანმა, არასამთავრობო ორგანიზაცია „საერთაშორისო გამჭვირვალობა – საქართველო“ კოპენჰაგენის საერთაშორისო ანტიკორუფციულ კონფერენციაზე გააკრიტიკა. წულუკიანის კრიტიკა ორგანზიაციის ხელმძღვანელმა ეკა გიგაურმაც დაისმახურა.

ავტორი: ,

სოციალური ქსელები

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით