გაერთიანებული ოპოზიციის პრეზიდენტობის კანდიდატს გრიგოლ ვაშაძეს დამოუკიდებელი კანდიდატის სალომე ზურაბიშვილის მიმართ კითხვები აქვს. 

როგორც ვაშაძემ დღეს გამართულ ბრიფინგზე განაცხადა, ზურაბიშვილის პოზიციები ბოლო დროს განვითარებულ აქტუალურ საქმეებზე უცნობია. 

"სახელისუფლო კანდიდატისგან მხოლოდ ის ვიცით, რომ ეთანხმება მარიხუანას კულტივაციას და ვიცით ის, რომ ეთანხმება პუტინს, მედვედევს იმაში, რომ 2008 წელს რუსეთ-საქართველოს ომი საქართველომ დაიწყო. საზოგადოებას აქვს უფლება მიიღოს პასუხები ხელისუფლების პრეზიდენტობის კანდიდატისგან შემდეგ შეკითხვებზე: საგამოძიებო კომისიაში ყოფნისას რატომ არ მისცა მან ხმა დათუნა სარალიძის მკვლელების დასჯას, რატომ არ გამოეხმაურა და რა პოზიცია აქვს სალომე ზურაბიშვილს ციხეში გაკეთებულ მირზა სუბელიანის ფარულ ჩანაწერებზე, საიდანაც დასტურდება უკანანო, შეიარაღებული ბანდების მიერ ადამიანების გატაცება, წამება და ასევე რაც არანაკლებ მნიშვნელოვანი არის ქართული საზოგადოებისთვის - დათუნა სარალიძის მკვლელებთან გარიგება და ხელის დაფარება. რატომ არ გამოეხმაურა სალომე ზურაბიშვილი კომპანია "ომეგას" დარეკეტებას, ტელევიზიის დახურვას, რომლის სულისჩამდგმელებიც ივანიშვილი და ფარცხალაძე იყვნენ, რატომ არ გამოეხმაურა და რა პოზიცია აქვს "ქართული ოცნების" მაღალჩინოსნების შეძენილ სასახლეებზე, რომლებიც მათ ხელისუფლებაში ყოფნის დროს შეიძინეს", - განაცხადა გრიგოლ ვაშაძემ.

ავტორი: ,

სოციალური ქსელები

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით