„ჯერ ჩავარდა პირველი სპექტაკლი, მერე მეორე სპექტაკლი და ახლა გვთავაზობენ, პირველი ჩავარდნილი სპექტაკლის მეორე სერიას, რაც ღიმილის მომგვრელი და სასაცილოა“, - ასე გამოეხმაურა პარლამენტის თავჯდომარე, ირაკლი კობახიძე „ომეგა ჯგუფის“ საქმეზე ტელეკომპანია „რუსთავი 2“-ის მიერ გავრცელებულ მორიგ ფარულ ჩანაწერს.

 როგორც პარლამენტის თავჯდომარემ აღნიშნა, ჯობდა საარჩევნო კამპანია ევროპულ სტილში ჩატარებულიყო.

 „ამ საკითხებზე დღეს აქტუალურიც აღარ არის მსჯელობა. კიდევ ერთხელ გავიმეორებ, სპექტაკლი ჩავარდა და დამთავრებულია ეს კომედია, რომელიც შემოგვთავაზა ჩვენ „ნაციონალურმა მოძრაობამ“ რუსთავი 2-ის მეშვეობით. ჩვენც არ გვქონია საუბარი ავთენტურობაზე, საუბარი იყო შინაარსზე, რომელიც გვესმის ამ ჩანაწერებში, ავთენტურობაში კი არ არის საქმე, შინაარსი არის აბსოლუტურად კომიკური, რომელიც ჩვენ მოვისმინეთ ჯერ აუდიო ვერსიის სახით და ახლა ვიდეო ვერსიის სახით. ჯობდა რომ სხვა გარემოში წარმართულიყო საარჩევნო კამპანია, ევროპულ სტილში და კანდიდატებს ესაუბრათ საკუთარ ხედვებზე და არა იმაზე, რაზეც დღეს „ნაციონალური მოძრაობა“ საუბრობს“, - განაცხადა ირაკლი კობახიძემ.

შეგახსენებთ, რომ გავრცელებულ ჩანაწერში სავარაუდოდ, „ომეგა ჯგუფის“ დამფუძნებლის ზაზა ოქუაშვილის, ჰოლდინგში შემავალი კომპანიების ხელმძღვანელი პირებისა და სპორტის ყოფილი მინისტრის ლევან ყიფიანის საუბარია ასახული. ჩანაწერის თანახმად, ლევან ყიფიანი მასსა და ფარცხალაძეს შორის დაპირისპირების დეტალებს იხსენებს.

ავტორი: ,

სოციალური ქსელები

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით