ხელისუფლებასთან ბრძოლის ნაცვლად, „ნაციონალური მოძრაობა“ და მათი საპრეზიდენტო კანდიდატი ტალახს „ევროპული საქართველოსკენ“ ისვრის, - ამის შესახებ „ევროპული საქართველოს“ ერთ-ერთმა ლიდერმა ელენე ხოშტარიამ განაცხადა.

როგორც მან აღნიშნა, ენმ-მ ევროპის სახალხო პარტიასთან ხელმოწერილი მემორანდუმი პირველსავე დღეს დაარღვია.

„სამწუხაროდ მათ უბრალოდ სტრატეგია ქონდათ ოპოზიციური ძალის, ევროპული საქართველოს დაზიანების და დასუსტების და გვებრძოდნენ მთელი ამ პერიოდის განმავლობაში, ნაცვლად იმისა, რომ კონცენტრირებულიყვნენ ხელისუფლებასთან ბრძოლაზე.  ეს არ არის ახალი, ეს მათი სტილია, განსხვავებულ აზრზე თავდასხმა და დაუსაბუთებელი ბრალდებების სროლა. თუმცა ხაზი მინდა გავუსვა, რომ მათი ქმედებებით, როგორც ოპოზიციასთან ბრძოლით, ასევე მათი აგრესიული გამოსვლებით, როდესაც ჩვენ ვხედავთ მიხეილ სააკაშვილს რომელიც უბრაზდება ხალხს ნაცვლად იმისა, რომ გააზრებული ქონდეს ჩვენი შეცდომები ხელისუფლებაში ყოფნის დროს, როდესაც ვხედავთ ჩვენ პოპულიზმს და ასეთ აგრესიულ გამოსვლებს სატელევიზიოს - ეს არის პირდაპირ ხელშეწყობა ქართული ოცნების და მათი ხელისუფლების გახანგრძლივების. ეს არის ის პასუხისმგებლობა რომელიც დღეს ნაციონალურ მოძრაობას არ ესმის და თავისი გამოჩენით, არსებობით, აგრესიულობით და პოპულიზმით პირდაპირ ხელს უწყობს და ახარებს ქართულ ოცნებას. ამიტომ მე მოვუწოდებ მათ, ჩვენ აბსოლუტურად არაფერი არ გვაკლდება მათი თავდასხმებისგან, მაგრამ ისინი ამით აძლიერებენ ქათულ ოცნებას და აზარალებენ ამით ქვეყნის ინტერესებს. ამიტომ კარგად დაფიქრდნენ თავიანთ პასუხისმგებლობაზე, კარგად დაფიქრდნენ პასუხისმგებლობაზე მოსახლეობის მიმართ, რომელსაც ქართული ოცნება იყენებს მოგონილი არეულობის და შიშების დასანერგად და ამაში ყველაზე კარგად სასარგებლო საფრთხობელას როლში ჩვენ ნაციონალური მოძრაობა გვხვდება“, - განაცხადა ელენე ხოშტარიამ.

ავტორი: ,

სოციალური ქსელები

Financial Times: ტრამპისა და რუსეთს შორის დიზელის თაობაზე დადებული შეთანხმება საფრთხეშია

რეკორდული წარმომადგენლობა - აშშ-ის კონგრესა და სენატში შვიდი მუსლიმი აირჩიეს

ბრეიზა სანქციებს ითხოვს - კობახიძე ბრიუსელში ვიზიტს პროპაგანდისთვის იყენებს

პაველ ჰერჩინსკი - ნუ დაკარგავთ იმედს, საქართველოს მომავალი ქართველი ხალხის ხელშია