პოლიტიკური გაერთიანება „გირჩის“ საპრეზიდენტო კანდიდატი ზურაბ ჯაფარიძე აცხადებს, რომ დაცვის სამსახური დედანის ბაღში „კანაფის ლეგალიზაციის ფესტივალისთვის“ საჭირო აპარატურის  შეტანის საშუალებას არ აძლევთ.

ჯაფარიძის თქმით, დაცვის თანამშრომლებმა განუცხადეს, რომ მას შესაბამისი ნებართვა უნდა ჰქონდეს.

საპრეზიდენტო კანდიდატმა დედაქალაქის მერს, კახა კალაძე მიმართა და მოუწოდა, ტერიტორიაზე აპარატურის შეტანის საშუალება მისცეს.

„აქ არის დაცვის სამსახური, რომელიც გვეუბნება, რომ არ შემოგვატანინებს დედაენის ბაღში შესაბამის მუსიკალურ აპარატურას. ასევე გვეუბნებიან, რომ სპეციალური ნებართვა გვჭირდება იმისათვის, რომ აქ შემოვიდნენ ხალხი, რომელმაც ფესტივალში უნდა მიიღონ მონაწილეობა. გვეუბნებიან, რომ ფესტივალის ჩატარების საშუალებას არ მოგვცემენ, იმიტომ რომ რაღაც ნებართვა არ გაქვთ აღებულიო. მინდა მივმართო თბილისის მერს, კახა კალაძეს, არანაირი ნებართვა არ გვჭირდება იმისთვის, რომ სადმე შევიკრიბოთ. არ ვაპირებთ არც გზების გადაკეტვას, არც ძალადობას, არც წინააღმდეგობას ვუწვთ ვინმეს. ჩვენ გვინდა ნორმალურად ჩავატაროთ ეს ფესტივალი. ორი კვირაა საჯაროდ ვსაუბრობ ამაზე და წესით გასაგები უნდა ყოფილიყო, რომ ჩვენ აქ დღეს შეკრებას ვაპირებდით. იქნება ვინმემ დაურეკოს ამ ხალხს და აუხსნას, რომ დღეს აქ ფესტივალი ჩატარდება ნებისმიერ შემთხვევაში. ჯობია ჩავატაროთ წყნარად და მშვიდად, თორემ ამ აპარატურას გავშლით ნებისმიერ ადგილზე, სადაც ხელი მიგვიწვდება“, - განაცხადა ზურაბ ჯაფარიძემ.

ავტორი: ,

სოციალური ქსელები

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით

Bloomberg: უკრაინა შეერთებულ შტატებთან შეთანხმდა, რომ შავ ზღვაში ყაზახურ ნავთობტანკერებზე თავდასხმას არ განახორციელებს

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს