პრეზიდენტის საპარლამენტო მდივანი ანა ნაცვლიშვილი მთავრობის სხდომაზე პრეზიდენტის მიერ შეთავაზებული საკითხების განხილვასთან დაკავშირებით მთავრობის ადმინისტრაციის საპასუხოდ აცხადებს, რომ ეს არის მთავრობის მცდელობა უგულებელყოს კონსტიტუცია და გაექცეს პასუხისმგებლობას.

"პრეზიდენტმა მიმართა პრემიერმინისტრს და ეს ნახა მთელმა საქართველომ. სამწუხაროდ, ამ მიმართვის საპასუხოდ ჩვენ ვხედავთ მთავრობის მცდელობას უგულებელყოს კონსტიტუცია და ამ ძალიან მძიმე ვითარებაში, რომელშიც იმყოფება ქვეყანა, განზე გადგეს და გაექცეს პასუხისმგებლობას იმაზე, რომ ქვეყანა იმართებოდეს კონსტიტუციური უფლებამოსილების მქონე პირების მიერ კონსტიტუციური ფორმატებით და კანონიერების პრინციპზე დაფუძნებით, რაც არის ძალიან სამწუხარო და ძალიან დამაზიანებელი ამ ქვეყნისთვის.

ჩვენი პრობლემაა ის, რომ ამ უმძიმეს ვითარებაში, როდესაც სახელმწიფოს ჩანაცვლების განაცხადი აქვს გაკეთებული არაფორმალურ ჯგუფებს, რისი ძალიან მძიმე შედეგები ჩანს და კიდევ უფრო მძიმე შედეგები შეიძლება დადგეს ამ ქვეყნის წინაშე, დისკუსიის გადატანის მცდელობა მძიმე და წერტილი სად უნდა იყოს დასმული, ესეც აჩვენებს რამდენად არაადეკვატურად აფასებენ ფორმალურად პასუხისმგებლობის მქონე პირები, რამდენად ვერ იაზრებენ მათზე დაკისრებულ პასუხისმგებლობას და ვერ იაზრებენ იმ უმწვავეს მდგომარეობას, რომელიც ქვეყანაშია", - აღნიშნა ანა ნაცვლიშვილმა.

მისი თქმით, ის პასუხი, რომელიც მოვისმინეთ მთავრობის ადმინისტრაციისაგან სამართლებრივი თვალსაზრისით არაკომპეტენტურია.

ავტორი: ,

სოციალური ქსელები

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით

Bloomberg: უკრაინა შეერთებულ შტატებთან შეთანხმდა, რომ შავ ზღვაში ყაზახურ ნავთობტანკერებზე თავდასხმას არ განახორციელებს

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს