„ცენტრ-პოინტის“ დაზარალებულების აქცია მთავრობის ადმინისტრაციასთან გრძელდება

2018-10-16 14:51:46, 923 ნახვა

საზოგადოება

მთავრობის კანცელარიასთან "ცენტრ პოინტის’" დაზარალებულების აქცია გრძელდება.

დაზარალებული მოქალაქეები სამართლიანობის აღდგენას ითხოვენ და აცხადებენ, რომ სასამართლო პროცესი ჭიანურდება. მათ პრემიერ-მინისტრ მამუკა ბახტაძეს "თაღლითების ხელის შემწყობი" უწოდეს და მტავრობის ადმინისტრაციის შენობასთან შესაბამისი შინაარსის პლაკეტი მიიტანეს.

აქციის ერთ-ერთი მონაწილის თამარ ფირცხალაიშვილის განცხადებით, დაზარალებულებს არ სურთ კომპანიასთან საპროცესო გარიგება გაფორმდეს.

"დაზარალებულები ვითხოვთ სამართლის აღდგენას, სასამართლო პროცესები უსაზღვროდ არის გაწელილი. სააპელაციო სასამართლო ხვალ ტარდება. ჩვენ არ გვინდა, რომ საპროცესო გარიგება შედგეს თაღლითებთან, იმიტომ, რომ დაზარალებულებთან არანაირი რეალური შეთავაზება არ არის. დავწერეთ განცხადებები პრემიერ მინისტრის სახელზე და გვინდა შეხვედრა. ველოდებით შედეგს", - აღნიშნა ფირცხალაიშვილმა ‘’ექსპრესნიუსთან’’ საუბრისას.

შეგახსენებთ, რომ კომპანია ”ცენტრ-პოინტის” მშენებლობით დაზარალებულთა სასამართლო სარჩელების განხილვა ამ დრომდე მიმდინარეობს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები