„ეს არის წინასაარჩევნოდ მოგონილი თემა, იმისთვის რომ ხალხის ჯიბიდან ამოღებული თანხა, რომელსაც ჰქვია დავალიანება, ამ კომპანიამ აირიდოს თავიდან და არ გადაიხადოს“, - ასე გამოეხმაურა იუსტიციის მინისტრი თეა წულიკიანი, მთავრობის სხდომის დასრულების შემდეგ გამართულ ბრიფინგზე „ომეგა ჯგუფის“ საქმესა და გავრცელებულ ჩანაწერებს.

მინისტრის განცხადებით, „ომეგა ჯგუფIს“ დავალიანება 50 მილიონს შეადგენს და ფინანსთა სამინისტროს მიერ შეთავაზებული შეღავათები ბოროტად იქნა გამოყენებული.

„ჩემთვის რამდენი ჩანაწერიც არ უნდა გავრცელდეს, ორი რამ არის მნიშვნელოვანი, ერთი, რომ ყველა ახალ ჩანაწერზე გამოძიება მიმდინარეობს და ჩანაწერები ემატება იმ სისხლის სამართლის საქმეს, რომელიც მიჰყავს შესაბამის საგამოძიებო ორგანოს და ეს არის წინასაარჩევნოდ მოგონილი თემა, იმისთვის რომ კიდევ ერთხელ ვამბობ, ხალხის ჯიბიდან ამოღებული თანხა, რომელსაც ჰქვია დავალიანება ამ კომპანიამ აირიდოს თავიდან და არ გადაიხადოს, რასაც ცდილობს 2014 წლიდან. ის 11 შეღავათი, რომელიც ფინანსთა სამინისტომ, ბატონი იქუაშვილის კომპანიას გაუწია, ბოროტად იქნა გამოყენებული და დღეს ვხედავთ იმას, რომ 50 მილიონზე მეტი ვალი აქვს ამ კომპანიას ხალხის მიმართ, ანუ სახელმწიფო ბიუჯეტის მიმართ და ყველაფერს კადრულობს, იმისთვის, რომ ხალხს ეს თანხა არ გადაუხადოს“, - განაცხადა თეა წულიკიანმა.

ავტორი: ,

სოციალური ქსელები

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს

ექიმების განცხადება: მოვუწოდებთ სახელმწიფოს, შეიმუშაოს იშვიათი დაავადებების მართვის მკაფიო პოლიტიკა

კიევის სასამართლომ ფულის გათეთრების საქმეზე უკრაინის პრეზიდენტის ადმინისტრაციის ყოფილი ხელმძღვანელი, ანდრეი იერმაკი დააკავა