იუსტიციის მინისტრი თეა წულუკიანი, უწყებათაშორის კომისიასთან დაკავშირებით „ევროპული საქართველოს“ წევრის, ოთარ კახიძის განცხადებებს გამოეხმაურა.

მინისტრმა კახიძის განცხადებები დაგმო და კომისიაში წარმოდგენილი პარტიების წევრებს მოუწოდა, ერთმანეთის შეურაცხყოფისგან თავის შეიკავონ.

„წინა სხდომაზე პროცედურულ საკითხს ვუყარეთ კენჭი  იმასთან დაკავშირებით, უნდა ყოფილიყო თუ არა ჩვენი სხდომები დამსწრე საზოგადოების მხრიდან მობილური ტელეფონებისა თუ სხვა მოწყობილობების საშუალებით ლაივში გადაცემული და მივიღეთ გადაწყვეტილება, რომ ეს ჩვენი მიდგომა ვერ იქნება. ამ გადაწყვეტილების შედეგად,  დღეს მობილური ტელეფონები გარეთ არავის დაუტოვებია და მინდა, მოვუწოდო ყველას, რომ, კანდიდატების ინტერესებიდან გამომდინარე, შევეცადოთ, ამ დარბაზში მაქსიმალურად სერიოზული სამუშაო გარემო შევქმნათ. მინდა, კომისიის სახელით  დავგმო ის განცხადებები, რასაც ტელევიზიით ვისმენთ ხოლმე, როდესაც, მაგალითად, მოწვეული სტუმრების ზოგიერთი წარმომადგენელი ტელევიზიით სხვა წარმომადგენელს შეურაცხმყოფელი სიტყვებით მოიხსენიებს, უწოდებს „კლოუნს", „არასერიოზულს" და ამისათვის იყენებს სხდომისას ჩუმად გადაღებულ კადრებს  და „ფეისბუქზე" მიდის ერთმანეთის გაშარჟება. ეს ფორმატი შექმნილია პარტიებისთვის და პარტიების წარმომადგენლებს კიდევ ერთხელ მინდა, უმორჩილესად ვთხოვო, რომ ყველანი მოიქცნენ ზრდასრული ადამიანებივით და ერთმანეთს არ მიაყენონ შეურაცხყოფა ფარულად ჩაწერილი, „ფეისბუქზე" გავრცელებული კადრებით. კომისიის სახელით, კიდევ ერთხელ მინდა, ვთქვა, რომ, იქნება ეს ორი არასამთავრობო ორგანიზაცია და ორი პარტია თუ უფრო მეტი, რომლებიც ერთ მშვენიერ დღეს გადაწყვეტენ, აღარ დაესწრონ კომისიის სხდომებს, არ ნიშნავს იმას, რომ მათ არ შეუძლიათ, აზრი შეიცვალონ და ნებისმიერ დროს მომდევნო პროცესში შემოგვიერთდნენ ან გააგრძელონ, როგორც ეს წარსულში გაუკეთებიათ −  სხდომებზე აღარ მოსულან, მაგრამ წერილობით რეჟიმში ძალიან ინტენსიური მუშაობა გაუგრძელებიათ ხოლმე და სინამდვილეში ეს ბოიკოტიც არ ყოფილა,  რაც ძალიან კარგია. მათი კანდიდატების ინტერესებიდან გამომდინარე, კარგი იქნება, თუ პარტიები გააგრძელებენ ჩვენთან ერთად მუშაობას", - განაცხადა მინისტრმა. 

(NS)

ავტორი: ,

სოციალური ქსელები

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს