„ერთია პოლიტიკური განცხადებები და მეორეა კონკრეტული ბრალდება კონკრეტულ დანაშაულში",- ასე გამოეხმაურა საქართველოს პარლამენტის თავმჯდომარე ირაკლი კობახიძე ფრაქცია „ერთიანი ნაციონალური მოძრაობის" თავმჯდომარის, რომან გოცირიძის განცხადებას.

ირაკლი კობახიძის შეფასებით, რომან გოცირიძის მიერ კოლეგის კორუფციაში დადანაშაულება უდანაშაულობის პრეზუმფციის დარღვევა და მისადმი უპასუხისმგებლო დამოკიდებულებაა.

„თქვენ უკვე მეორედ დაადანაშაულეთ ჩვენი კოლეგა კორუფციაში, რაც არის, ერთი - უდანაშაულობის პრეზუმფციის დარღვევა და მეორე, არის, რა თქმა უნდა, უპასუხისმგებლო დამოკიდებულება ჩვენი კოლეგისადმი. მე ვალდებული ვარ, რომ დეპუტატების, პარლამენტის წევრების ინტერესები. ნუ დაარღვევთ უდანაშაულობის პრეზუმფციას და გთხოვთ, მეტი პასუხისმგებლობით მოეკიდეთ ასეთ განცხადებებს",- მიმართა პარლამენტის თავმჯდომარემ დეპუტატს.

მისივე თქმით, დღევანდელ პლენარულ სხდომაზე სხვადასხვა მხარემ პოლიტიკური განცხადებები გააკეთა და მას არცერთ მათგანზე რეაგირება არ მოუხდენია. რაც შეეხება კონკრეტულ დანაშაულში ბრალდებას - ირაკლი კობახიძის განცხადებით, ამასთან დაკავშირებით, ის ვალდებულია, რეაგირება მოახდინოს.

"რაც შეეხება პოლიტიკურ განცხადებებს, თუნდაც, იყოს მინიშნებები მაგალითად ცხრაწლიან მმართველობაზე, პირსისხლიან რეჟიმზე და ასე შემდეგ, ეს არის პოლიტიკური განცხადებები - ერთი. რაც შეეხება კონკრეტულ განცხადებებს, რომელიც მოვისმინეთ ჩვენ დღეს, საუბარი იყო კონკრეტულ კორუფციულ დანაშაულზე, რომელზეც ყურადღება გაამახვილა თავისი პოზიციიდან კონკრეტულმა პარტიამ და ფრაქციამ. არის დიდი განსხვავება ამ ორ რამეს შორის. ერთია პოლიტიკური განცხადებები და მეორეა კონკრეტული ბრალდება კონკრეტულ დანაშაულში. ჩვენ დღეს მოვისმინეთ პოლიტიკური განცხადებები სხვადასხვა მხრიდან და არცერთზე რეაგირება არ მქონია. რაც შეეხება განცხადებას იმაზე, რომ ვიღაც არის მოღალატე ან სუკის აგენტი, ეს არის პოლიტიკური განცხადება და რაც შეეხება განცხადებას, რომლის მიხედვითაც, კონკრეტული ადამიანი იმიტომ ლობირებს კონკრეტულ კანონპროექტს, რომ ამაში არის მისი ოჯახის ინტერესები, ეს არის კონკრეტული ბრალდება კონკრეტულ დანაშაულში. ამიტომ, პოლიტიკურ განცხადებებზე არც იქით და არც აქეთ, მე რეაგირება არ მომიხდენია, რაც შეეხება კონკრეტულ დანაშაულში ბრალდებას, ამაზე მე ვარ ვალდებული მოვახდინო რეაგირება და ამას თანაბრად გავაკეთებ როგორც ერთ, ისე მეორე მხარეს",- განაცხადა საქართველოს პარლამენტის თავმჯდომარემ.

ავტორი: ,

სოციალური ქსელები

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს

ექიმების განცხადება: მოვუწოდებთ სახელმწიფოს, შეიმუშაოს იშვიათი დაავადებების მართვის მკაფიო პოლიტიკა

კიევის სასამართლომ ფულის გათეთრების საქმეზე უკრაინის პრეზიდენტის ადმინისტრაციის ყოფილი ხელმძღვანელი, ანდრეი იერმაკი დააკავა