„სალომე ზურაბიშვილი, დარწმუნებულები ვართ, რომ იქნება ზეპარტიული ლიდერი, ამაში ეჭვიც არავის ეპარება“, - ამის შესახებ ფრაქცია „ქართული ოცნების“ თავმჯდომარე მამუკა მდინარაძემ, მმართველი გუნდის მიერ მხარდაჭერილი საპრეზიდენტო კანდიდატის, სალომე ზურაბიშვილის საარჩევნო შტაბის პრეზენტაციაზე განაცხადა.

როგორც მან აღნიშნა, „ნაციონალური მოძრაობა“ და მისგან გამოყოფილი პარტიები საპრეზიდენტო არჩევნებზე წარმატებას ვერ მიაღწევენ.

„კონტექსტიდან ამოგლეჯის გარეშე, ქალბატონი სალომე საუბრობს სწორად, ჩემთვის რა თქმა უნდა, გასაკვირი არ იყო ეს განცხადება, ეს იყო სწორი განცხადება. ის, რომ რუსეთი არის ოკუპანტი ამ ქვეყანაში, ის, რომ რუსეთი არის აგრესორი ამ ქვეყანაში, ამას გადახედვა არ სჭირდება ნამდვილად და ამასვე ამბობს ქალბატონი სალომე. ეს არის ერთ-ერთი მთავარი კრიტერიუმი, რის გამოც მხარს ვუჭერთ თავისი ევროპული ბეგრაუნდით და თავისი ქართველი ფესვებით, ესეც ძალიან მნიშვნელოვანია. და ის, რომ სალომე ზურაბიშვილი, დარწმუნებულები ვართ, რომ იქნება ზეპარტიული ლიდერი, ამაშიც ეჭვი არავის ეპარება, „ნაციონალური მოძრაობის“ ახალი ტრენდია, რომ საკუთარი უპასუხისმგებლო, მოღალატეობრივი პოლიტიკა გადააბრალოს სხვას, სხვა გამოაცხადოს მოღალატედ, მაგრამ პირობას გაძლევთ, რომ „ნაციონალური მოძრაობის“ ვერცერთი დანაყოფი ამ გადაბრალებით, დასმენებით, ცილისწამებითა და თავისი პროვოკაციული ქმედებების გზით წარმატებას ვერ მიაღწევს“, - განაცხადა მამუკა მდინარაძემ. 

ავტორი: ,

სოციალური ქსელები

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს

ექიმების განცხადება: მოვუწოდებთ სახელმწიფოს, შეიმუშაოს იშვიათი დაავადებების მართვის მკაფიო პოლიტიკა

კიევის სასამართლომ ფულის გათეთრების საქმეზე უკრაინის პრეზიდენტის ადმინისტრაციის ყოფილი ხელმძღვანელი, ანდრეი იერმაკი დააკავა