„სამარცხვინოა, მედიას ამოფარებული ზოგიერთი ბიზნესი, როდესაც თავის მედიას იყენებს შანტაჟის იარაღად და ცდილობს, რომ გადასახადებს თავი აირიდოს“, - ასე გამოეხმაურა ფინანსთა მინისტრი, ივანე მაჭავარიანი ტელეკომპანია „იბერიასთან“ დაკავშირებულ მოვლენებს.

მინისტრის თქმით, სახელმწიფოს შანტაჟის ენით ვერავინ დაელაპარაკება.

„საქართველოს ხელისუფლება არასოდეს არ ყოფილა ბიზნესის მიმართ ასეთი მეგობრული და არც მედია ყოფილა ასეთი თავისუფალი, როგორც ეს ჩვენი ხელისუფლების პირობებშია. ამიტომ სრული პასუხისმგებლობით მინდა გითხრათ, რომ მიუღებელია და მე ვიტყოდი მეტსაც, რომ სამარცხვინოა მედიას ამოფარებული ზოგიერთი ბიზნესი, როდესაც თავის მედიას იყენებს შანტაჟის იარაღად და ცდილობს, რომ გადასახადებიდან თავი აირიდოს. სახელმწიფოს ვერავინ დაელაპარაკება შანტაჟის ენით. ეს არის ხალხის ფული და კეთილი ინებონ და გადაიხადონ ბიუჯეტში. ყველანაირი შეთავაზება იყო მათ მიმართ, რამდენჯერმე შევთავაზეთ გრაფიკი, თან ისეთი, როგორიც მათ მოითხოვეს, მაგრამ არც ერთხელ არ შეასრულეს. შესაბამისად, არანაირი კავშირი ამას მედიასთან არა აქვს, ეს არის სრული სპეკულაცია“, - განაცხადა ივანე მაჭავარიანმა.

შეგახსენებთ, რომ ტელეკომპანია „იბერია“ რამდენიმე დღეა, საგანგებო რეჟიმში მუშაობს. დღეს ტელევიზიის თანამშრომლებმა საპროტესტო აქცია-მსვლელობა გამართეს.  მათი თქმით, „ომეგა ჯგუფის“ მიმართ ფინანსურ ზეწოლა მიმდინარეობს და ხელისუფლებას ტელევიზიის დახურვა სურს. 

ავტორი: ,

სოციალური ქსელები

უკრაინამ ექვს თვეში გააორმაგა განადგურებული რუსული საჰაერო თავდაცვის სისტემების რაოდენობა.

უკრაინის ზაკარპატიის რეგიონზე დრონებით თავდასხმის გამო უნგრეთის საგარეო საქმეთა სამინისტრომ რუსეთის ელჩი დაიბარა

ალექსანდრიის პატრიარქი შიო III-ს: გილოცავთ და თქვენი დღეგრძელობისთვის ვლოცულობთ

ირაკლი შაიშმელაშვილმა აშშ-ში პოლიტიკური თავშესაფარი მიიღო