საქართველოს ფეხბურთის ფედერაციის პრეზიდენტმა ლევან კობიაშვილმა გუშინდელ მატჩზე უსაფრთხოების ნორმების მაქსიმალური დაცვისა და შეხვედრის მშვიდ გარემოში ჩატარების უზრუნველყოფისთვის შინაგან საქმეთა სამინისტროს მადლობა გადაუხადა.

,,განსაკუთრებული მადლობა მინდა გადავუხადო შინაგან საქმეთა სამინისტროს, თითოეულ თანამშრომელს, ყველა იმ ადამიანს, ვინც უშუალოდ ჩართული იყო, რომ ჩვენი გულშემატკივრების უსაფრთხოება ყოფილიყო დაცული, რომ სტადიონზე ყოფილიყო მშვიდი გარემო და რომ არა მათი ერთიანობა, მათი კოორდინირებული მუშაობა, ეს ყველაფერი შეუძლებელი იქნებოდა’’,- განაცხადა ლევან კობიაშვილმა.

ფეხბურთის ფედერაციის პრეზიდენტმა სოციალურ ქსელში გავრცელებულ მიმართვაში საქართველო-ლატვიის თამაში შეაფასა და გუნდსა და გულშემატკივარს გამარჯვება მიულოცა.

,,გილოცავთ გუშინდელ გამარჯვებას, მნიშვნელოვან გამარჯვებას, მნიშვნელოვან სამ ქულას და კიდევ ერთ წინ გადადგმულ ნაბიჯს იმ საერთო მიზნისკენ, რაც ყველა ჩვენგანს გაგვაჩნია. მინდა მადლობა გადავუხადო თითოეულ მოთამაშეს, გუნდს, სამწვრთნელო შტაბს, რომლებმაც ყველაფერი გააკეთეს, რომ გუშინ ყველას ერთად გვეზეიმა ეს ბრწყინვალე გამარჯვება. დიდი მადლობა მინდა გადავუხადო თითოეულ გულშემატკივარს, ვინც გუშინ სტადიონზე იმყოფებოდა. მათ ერთიანი გულშემატკივრობით, იმ დიდი ერთიანი ​პასუხისმგებლობით უდიდესი წვლილი შეიტანეს ჩვენი გუნდის გამარჯვებაში. რომ არა მათი ერთიანობა, მათი გვერდში დგომა, დარწმუნებული ვარ, რომ ძალიან ძნელი იქნებოდა გუშინ ჩვენს გუნდს გამარჯვება მოეპოვებინა და ეს არის მათი დამსახურება’’, - განაცხადა კობიაშვილმა.

ავტორი: ,

სოციალური ქსელები

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს