ხორავას ქუჩის საქმეზე შექმნილი დროებითი საგამოძიებო კომისიის წევრი საპარლამენტო უმრავლესობიდან ანრი ოხანაშვილი, ერთ-ერთი მოკლული მოზარდის მამას, ზაზა სარალიძეს ეხმაურება.

როგორც ოხანაშვილმა აღნიშნა, საგამოძიებო კომისიის მუშაობის ფარგლებში არ დადასტურდა, რომ გამოძიება ან მმართველი გუნდი მკვლელობის ჩამდენ პირებს ხელს აფარებს.

დეპუტატის განცხადებით, "ქართული ოცნება" მხოლოდ საზოგადოებისა და დაზარალებულის ინტერესების დაცვას ემსახურება.

"ჩვენ არ ვართ ის ხელისუფლება და ჩვენთვის მთავარი არის საზოგადოების ინტერესი და ჩვენთვის მთავარი არის დაზარალებულის, ამ შემთხვევაში ბატონი ზაზას ინტერესი.ჩვენ არაფრის ფასად არ გვიღირს, რომ ამ ადამიანის იმედები გავაცრუოთ. მთავარია მას ჰქონდეს ნდობა და რწმენა, რომ ჩვენი მთავარი ამოცანაა ობიექტურ მოცემულობაზე დაყრდნობით მსჯელობა და არა ემოციებით და საზოგადოებაზე გარკვეული მანიპულირებით, ან თუნდაც დაზარალებული ოჯახების შეცდომაში შეყვანით ასეთი დასკვნის დაწერა",- აღნიშნა ოხანაშვილმა.

ცნობისთვის, ხორავას ქუჩაზე მოკლული ერთ-ერთი მოზარდის მამა, ზაზა სარალიძე აცხადებს, რომ მმართველი გუნდი მისი შვილის მკვლელებს მფარველობს, რის გამოც ის იძულებულია ისევ აქციები დაიწყოს.

ავტორი: ,

სოციალური ქსელები

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს