საქართველოს პრეზიდენტის საერთაშორისო მდივანი თენგიზ ფხალაძე საქართველოში გერმანიის კანცლერის ოფიციალურ ვიზიტს აფასებს და აცხადებს, რომ ანგელა მერკელის ვიზიტს განსაკუთრებული მნიშვნელობა და დატვირთვა აქვს.

,,უაღრესად მნიშვნელოვანია, რომ განხილული იქნება დღის წესრიგის ძალიან ფართო სპექტრი, რომელიც საქართველო-გერმანიის ურთიერთობებში არსებობს.

ეს არის როგორც ორმხრივი ურთიერთობების საკითხები, ასევე მრავალმხრივი ფორმატები, როგორიცაა საქართველოს ევროპული და ევროატლანტიკური ინტეგრაცია.

ვიზიტისას ერთერთი უმთავრესი თემა იქნება უსაფრთხოების პრობლემები და ის ვითარება, რაც შემქნილია საქართველოს ოკუპირებულ ტერიტორიაზე, რუსეთის პოლიტიკა საქართველოს მიმართ და ზოგადად, რეგიონში არსებული უსაფრთხოების გარემო.

ბუნებრივია, განხილული იქნება ის საკითხები, რამაც უფრო უნდა აამაღლოს და უფრო ინტენსიური გახადოს საქართველო და გერმანიის ურთიერთობები, აქ საუბარი ეხება როგორც სავაჭრო- ეკონმიკურ, ასევე კულტურულ - ჰუმანიტარულ კავშირებს.

განხილული იქნება პოლიტიკური დღის წესრიგის ყველა ის საკითხი, რაც დაეხმარება საქართველოს ევროპულ  და ევროატლანტიკურ ინტეგრაციაში, საქართველოს თავდაცვისუნარიანობის გაძლიერებაში, რადგან საკმაოდ ინტენსიური თანამშრომლობა მიმდინარეობს გერმანიის ფედერაციულ რესპუბლიკასთან თავდაცვის სფეროში და რაც უფრო ერთად გააძლიერებს საქართველოს დემოკრატიას და უფრო მეტად დაცულს გახდის საქართველოს", - აღნიშნა თენგიზ ფხალაძემ.

ავტორი: ,

სოციალური ქსელები

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს